Aintzane Usandizaga, Igor Mercado eta Maddi Altuna izan dira 36. Julene Azpeitia ipuin lehiaketako saridunak
Aurten 56 lan aurkeztu dira, iaz baino gehiago, horietatik 5 zumaiarrek idatzitakoak. Sari banaketa ekitaldia hilaren 29an (asteazkena) izango da, 19:00etan Aita Mari zineman.
Azaroaren hasieran bildu zen epaimahaia lehiaketa erabakitzeko. Bertan izan ziren Ana Urkiza, Castillo Suarez eta Josu Waliño; Udaleko euskara teknikariak idazkari lanak egin zituen, botorik gabe. Aurten 56 lan aurkeztu dira, iaz baino gehiago. Horietatik 5 zumaiarrek idatzitakoak izan dira.
Euskal Herri guztitik aurkeztu diren lanean artean, onenak honako hauek direla erabaki dute epaimahaia osatu duten idazleek:
1. saria, 3.000 eurokoa, Aintzane Usandizaga Lopezek irabazi du OINAK ipuinari esker. Aintzane lehenago ere saritua izan da lehiaketa honetan, (2014an ere lehenengo saria) ez da berria, beraz. Bazterkeriari buruzko ipuin hau oso ondo idatzita dagoela iruditu zaio epaimahaiari, gai gogor bat goxo tratatzen du. Iradokitzailea eta fina da, tonua eta erritmoa batera eramaten ditu eta horrekin guztiarekin irakurlearengan enpatia sortzen du.
2. saria, 1.500 eurokoa, Igor Mercado Azcuenagak irabazi du DELINEATZAILE ERRETIRATUA lanarekin. Erretiratu berria den pertsona baten pasadizo bat kontatzen da bertan. Pertsonaia oso ondo deskribatzen da, oso presente egiten da eta kontatzeko moduarekin erabat harrapatzen du irakurlea.
Zumaiako onenaren saria, berriz, Maddi Altuna Galfarsororentzat izan da OMATOFOBIA ipuinagatik. Ipuin honetako istorioa arrunta izanik ere, oso ondo idatzia dago, freskotasuna dakar, ederki josia dago eta amaiera biribila ematen dio idazleak.
Sari banaketa ekitaldia azaroaren 29an egingo da, asteazkenarekin, 19:00etan, Aita Mari zinema aretoan. Ondoren literatura emanaldi musikatua eskainiko da.
Albiste erlazionatuak
Euskara
- Aurten ere egin errenta aitorpena euskaraz 2024/04/02
- Ohiko osoko bilkura egingo dute ostegun honetan 2024/03/19
- Zumaiako haurren hizkuntza ohiturak, adimen artifiziala eta kirol mundua izango dituzte hizketagai 'Euskara, bestela ez gara' hitzaldi zikloan 2024/02/02
- Iñaki Beobide Agirrezabalaga, gugan bego 2024/01/16
Julene Azpeitia
Zumaia bizitzeko da
- Kaleko pintura lehiaketak Zumaiako txokoak hartuko ditu maiatzaren 12an 2024/04/23
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- Bi markagailu berri kiroldegiko pistan 2024/04/19
- Sanpedroetako artisau azokan parte hartzeko deia zumaiarrei 2024/04/18