'Aita Mari' arrantzalearen bizitza ezagutarazteko xafla jarri du Udalak Erribera kalean
Arrantzalea eta atoi lanetan ibilia, itsasoan marinel asko sorosteagatik oso ezaguna izan zen Joxe Mari Zubia Zigaran ‘Aita Mari’.
Erribera kalean kokatuta dagoen Aita Mariren bustoaren azpiko aldean plaka bat jarri du Udalak, arrantzalearen bizitzaren berri emateko. Herriko eraikin eta ondare aipagarriak identifikatu eta ezagutarazteko ekimenak egin ohi ditu Udalak, eta horietako bat da honakoa.
Joxe Mari Zubia Zigaran, Aita Mari izenez ezagunagoa, 1809ko martxoaren 18an jaio zen Zumaian. 1866ko urtarrilaren 9an hil zen, galerna batek ustekabean harrapatutako Getariako bi txalupatako marinelak salbatzen saiatzen ari zela olatuek irentsita. Arrantzale ugari salbatu zituen bere bizitza osoan zehar, eta euskal arrantzaleen heroia eta sinboloa bihurtu zen.
Aita Mariren heriotzaren 150. urteurrenean Zumaiako Udalak zenbait oroimen ekitaldi antolatu zituen 2016an, eta besteak beste, Javier Carballo eta Xabier Alberdi egileen eskutik “Jose Maria Zubia, Mari” liburua argitaratu zuen. Orain, xafla berri honekin Aita Mariren bizitzaren berri kalera eraman nahi izan du Udalak.
Plakako argazkia Javier Carballok utzitakoa da, eta lau hizkuntzatan Aita Mariren bizitzaren laburpena bildu da bertan. Halaber, bustoaren gainean kokatuta dagoen metalezko plaka -jaiotza eta heriotza data zehazten dituena- zaharberrituko du Rakel Nacentak datozen hilabeteotan.
Albiste erlazionatuak
Zumaia bizitzeko da
- Alokairurako dirulaguntzak eskatzeko epea zabalik 2024/09/18
- Oroimena lantzeko tailerra, 'Tipi tapa' programa eta Itsasargia zerbitzua; Zumaiako adinekoen bizi-kalitatea hobetzeko 2024/09/13
- Itzurun hondartza antzoki bihurtuko du Jon Maiak irailaren 21ean, 'Kantu berri bat gara. Harri eta herri' ikuskizunarekin 2024/09/11
- ‘Zumaian euskararekin zer?’ partaidetza prozesua abiatu du Udalak, 2034ra bitarteko euskara plana diseinatzeko 2024/09/10
Oroimena
- 'Itzalpeko Emakumeak' erakusketa martxoaren 4an irekiko da 2023/02/27
- 1936ko gerran hildako Inazio Lopetegi Oliden oikiarra omentzeko ekitaldia izango da larunbat honetan 2023/02/21
- XX. mendean errepresioa eta jazarpena pairatu zuten Zumaiako emakumeen izen bila ari dira, 'Itzalpeko emakumeak' erakusketa osatzeko 2022/10/18
- 1937an frankistek kanporatutako herritarren omenez jarritako monolitoa eraberrituko dute 2022/06/17
Kultura
- Jon Maiaren ikuskizuna udaberrira atzeratuko dute, eguraldiaren iragarpena dela eta 2024/09/19
- Itzurun hondartza antzoki bihurtuko du Jon Maiak irailaren 21ean, 'Kantu berri bat gara. Harri eta herri' ikuskizunarekin 2024/09/11
- Irailaren 9an zabalduko dute Forondako ikastaroetan izena emateko epea 2024/08/26
- 40 urtetako ibilbidea gogoan, ekitaldi bereziz beteta dator Zumaiako Musika Jaialdia 2024/07/24