Egun osoko jardunaldia urriaren 22an, 'zaintzen duen Zumaia irudikatzeko'
Goizean zehar, beste lekuetako esperientziak ezagutzeko aukera izango da Zumaiako Emakumeon* Etxean. Arratsaldean berriz, talde dinamika egingo dute, elkarrekin “Zaintzen duen Zumaia” irudikatzeko. Izen-emate epea zabalik dago dagoeneko, labur.eus/zaintzazumaia webgunean edo Emakumeon* Etxean.
Emakumeon* Etxea, Malen Etxea emakume migranteen elkartea eta mugimendu feminista elkarlanean ari dira Zumaiarako zaintza eredu berri bat asmatzeko. Zumaiako herritar eta eragile sozialen artean zaintzen duen herri ereduari buruzko eztabaida sustatu eta garatzea dute helburu. Zaintza lanen inguruan -osotasunean- jarriko dute arreta, baina nagusienen eta desgaitasunak dituztenen iraupen luzeko zaintzen antolaketan jarriko dute foku nagusia. Era berean, sistema publiko-komunitarioaz ere hausnartuko dute.
Prozesuaren baitan egun osoko topaketa antolatu dute urriaren 22rako, zaintzaren inguruan formakuntza jaso, eta zaintzen duen herri ereduaren inguruan hausnartzeko. Goizean zehar zaintza lanen inguruko kokapena egingo dute lehenik, eta beste lekuetako esperientziak ezagutuko dituzte gero. Arratsaldean, berriz, ‘Zumaia, zaintzen duen herria’ txostena aurkeztuko dute; azken hilabeteotan herriko zenbait kolektibo eta kide elkarrizketatu ondotik ateratako ondorioak bildu dituzte bertan. Aurkezpena eta gero, talde dinamika egingo dute, guztien artean “zaintzen duen herria” irudikatzeko.
Izen-ematea zabalik
Izen-emate epea zabalik dago dagoeneko, http://labur.eus/zaintzazumaia webgunean edo Emakumeon* Etxean. Jardunaldian parte hartzeko asmoa dutenei eskatu diete garaiz emateko izena, antolaketa errazteko.
Horrekin batera, haurtzaindegi eta itzulpen zerbitzua egongo direla azaldu dute. Izena ematean zehaztu beharko dira beharrak.
Jardunaldia: programa
09:45 Harrera eta materialen banaketa
10:00 Ongietorria eta aurkezpena
10:15-11:45 Zaintza lanak, Euskal Herriari argazki bat
Hizlaria: Matxalen Legarreta Iza, Soziologian Nazioarteko Doktorea UPV/EHU
Besteen esperientzietatik ikasten
11:45-12:15 Zaintza-ereduari alternatibak. Zaintza antolatzeko beste modu batzuk
Hizlaria: Ana García Mendoza, Fundación Pilares para la Autonomía Personal
12:15-12:45 Atsedenaldia
12:45-13:30 Zestoa, zaintzen duen herria. Zainketen antolaketa sozialerako proiektua
Hizlaria: Xanti Ugarte, 3Z Zahartzaroa Zestoan Zainduz elkartea
13:30-15:30 Atsedenaldia
Nola egingo dugu Zumaian?
15:30-16:00 Zumaia, zaintzen duen herria proiektuaren aurkezpena
SILVIA CARRIZO
16:00-18:00 Nolakoa da zaintzen duen Zumaia?
Talde dinamika, Farapi Kooperatibaren eskutik
18:00-18:45 Ondorioak
19:00 Jardunalidaren amaiera
>> IZEN-EMATEA
www.labur.eus/zaintzazumaia helbidean edo Emakumeon* Etxean
Haurtzaindegi eta itzulpen zerbitzua egongo da
Albiste erlazionatuak
Feminismoa
- Film laburren saioa izango da Zumaian ostegun honetan, Zinegoak programaren barruan 2023/06/05
- Zumaiako Udalak gogor salatu nahi du Orion gertatutako erailketa sexista eta hildakoaren familia eta gertukoei elkartasun osoa adierazi nahi die 2023/05/17
- 'Casa Susanna' film dokumentala eta film laburren saioa izango dira Zumaian, Zinegoak programaren barruan 2023/05/11
- Gune Morea egongo da santelmoetan, eraso matxistarik gabeko festak sustatzeko 2023/04/13
Berdintasuna
- Film laburren saioa izango da Zumaian ostegun honetan, Zinegoak programaren barruan 2023/06/05
- Zumaiako Udalak gogor salatu nahi du Orion gertatutako erailketa sexista eta hildakoaren familia eta gertukoei elkartasun osoa adierazi nahi die 2023/05/17
- Zumaiako Udalak erabateko gaitzespena adierazi nahi du santelmoetan gertatutako eraso matxisten aurka, eta bat egiten du gaur arratsaldean egingo den elkarretaratzearekin 2023/04/25
- Gune Morea egongo da santelmoetan, eraso matxistarik gabeko festak sustatzeko 2023/04/13