Ekhi Gaua, Estalapean

2020/06/23

Ekhi Gaua etxetik ospatu beharko da aurtengoan, eta 22:30etik aurrera Estalapean ikusi ahal izango da herriko hainbat elkartek prestatutako bideoa. Aurtengo san juan gauean ez da San Juan Iturrian surik piztuko, ezta Gernika parkean ere, eta Udalaren izenean nabarmendu dute aurten ezin izango dela surik egin.

Ekhi Gaua etxetik ospatu beharko dute herritarrek aurtengoan. Mila Bakedano Astindu Dantza Elkarteko ordezkariak azaldu duenez bideo bat prestatu dute Ekhi Gauerako: “konfinamendu aldian pentsatzen aritu ginen zein izan zitekeen alternatiba, eta jendea gogotsu zegoenez bideo bat prestatzea erabaki genuen”.

Astindu elkarteko dantzarien, Inpernupeko Joareen eta txalapartarien dantza eta soinuen osatuko dute online ikuskizuna. Oier Romatet eta Idoia Zearretak prestatutako bideoa Estalapean (baleike.eus orrialdean) ikusi ahal izango da gaur bertan, 22:30ean.

Horrez gain, Udalaren izenean gogoratu dute aurtengo San Juan gauean ez dela San Juan Iturrian surik piztuko, ezta Gernika parkean ere, eta herritarrei adierazi die ezin izango dela surik egin.

Ekhi Gaua, Estalapean