Erronka zerrenda eta 45 ekintza zehatz, Zumaiako LGTBI+ pertsonen bizi baldintzak hobetzeko

Azken urteetan, LGTBI+ kolektiboaren aldarrikapenak kalean ikusten diren arren, gaur gaurkoz oraindik ez da identifikatutako behar horiek neurri politikoetara eramaten asmatu. Izan ere, ezjakintasun handia dago oraindik, eta LGTBI+ pertsonen bizitza publiko eta politikoa ezkutuan egon da orain artean, eta ez da haien ahotsa kontuan hartu.

Hausnarketa eta hutsune horri tiraka 2020. urtean hasi zen lanean Zumaiako Udala, Eihera kooperatibaren bidelaguntzarekin. Hala, bideorri bat zehazteari ekin zioten iaz, proposamen guztiak marko baten baitan kokatzeko. Herriko kolektibo eta norbanakoak elkarrizketatu dituzte, eta Zumaiako LGTBI+ pertsonen bizi baldintzak hobetu ahal izateko neurri eta politika konkretuen zerrenda eta plana osatu dute.

Helburu eta erronkak sei ataletan banatu dituzte: ikusgarritasuna, sentsibilizazioa eta aitortza; eskuragarritasuna; sozializazioa eta partehartze komunitarioa; indarkeria gabeko bizitzak; akonpainamendua, zaintza eta babesa; eta zeharkakotasuna. Horiei guztiei erantzuteko, 45 ekintzako plana prestatu dute.

> Ikusi laburpen eskuorria

Albiste erlazionatuak