Naizen elkarteak haur eta gazte transexualen errealitatea mahaigaineratuko du Zumaian maiatzaren 2an
Adingabe Transexualen Familien Elkartea da Naizen. Maiatzaren 2an 'Transexualitatea haurtzaroan eta gaztaroan: Trans Legea eta horrek errealitatean utzi dituen ondorioak' hitzaldia eskainiko dute Zumaian, 18:30ean Emakumeon* Etxean.
Hamar urtetik gora daramatza Naizen elkarteak lanean, haur eta gazte transexualen familiei transexualitatearen gaineko laguntza eta heziketa eskaintzen, eta helburu nagusien artean, adin txikiko transexualen eskubideen eta interesen defentsa eremu guztietan eta horien onerako egokiak diren legezko erreformen sustapenean eragitea aipatu behar dira. Horrekin batera, hezkuntzan eta haur eta gazte transexualekin esku hartzen duten profesionalentzako trebakuntza eskaintzen duela elkarte horrek eragin eremua duen hego Euskal Herrian.
Maiatzaren 5ean herrian izango ditugu Naizen elkarteko kideak. Haur eta gazte transexualen errealitatea ekarriko digute mahaigainera, eta, zehazki, Trans Legeak errealitatean utzi dituen ondorioez ariko dira. Hitzaldia 18:30ean izango da, Emakumeon* Etxean.
Hitzaldi hau LGTBI+fobiaren aurkako Nazioarteko Egunaren bezperetan antolatu dute, gai horren inguruko sentsibilizazioa sustatu eta transexualen errealitateak ezagutzeko. Data horri erantzuten dio ekintza honek, baita Zumaiako LGTBI+ pertsonen bizi-baldintzak hobetzeko planari ere. Antolatzaileek herritar oro gonbidatu nahi dute saio honetan parte hartzera.
Zumaiako LGTBI+ pertsonen bizi baldintzak hobetzeko plana
Azken urteetan, LGTBI+ kolektiboaren aldarrikapenak kalean ikusten diren arren, askotan ez da identifikatutako behar horiek neurri politikoetara eramaten asmatu. Izan ere, ezjakintasun handia dago oraindik, eta LGTBI+ pertsonen bizitza publiko eta politikoa ezkutuan egon da orain artean, eta ez da haien ahotsa kontuan hartu.
Hausnarketa eta hutsune horri tiraka 2020. urtean hasi zen lanean Zumaiako Udala, Eihera kooperatibaren bidelaguntzarekin. 2020an zehar barne mailako lanketa egin zuten, bi zentzutan: alde batetik, udaleko hainbat sail aztertu zituzten; eta bestetik, gazteekin LGTBI kolektiboaren problematika lantzeko saioak egin zituzten. Gazteekin egindako saioak emankorrak izan ziren, eta Zirta espazio askea sortu zuten 2021eko martxoan. Halaber, udalaren barruan eragiteko eta LGTBI+ kolektiboaren inguruko sentsibilizazioa udal zerbitzuetan txertatzen hasteko, hainbat formakuntza saio egin zituzten.
Egindako ekimenek eragina izan zutela uste arren, norabide falta sumatu zuten. Horregatik, bideorri bat zehazteari ekin zioten 2021ean, proposamen guztiak marko baten baitan kokatzeko. Herriko kolektibo eta norbanakoak elkarrizketatu ondotik, eta Zumaiako LGTBI+ pertsonen bizi baldintzak hobetu ahal izateko neurri eta politika konkretuen zerrenda eta plana osatu zuten. Plan horren barruan kokatutako ekintza da hitzaldi hau.
Albiste erlazionatuak
Berdintasuna
- Udal adierazpena, LGTBI+ Harrotasunaren Nazioarteko Egunean 2024/06/28
- 'Hirigintza inklusiboa, denontzako herria eraikitzeko tresna' hitzaldia eskainiko dute ekainaren 4an 2024/05/31
- LGTBIfobiaren aurkako eta sexu askatasunaren aldeko mezua agertu du Hezkidetza Foroak 2024/05/17
- Berdintasunerako ordenantza jendaurrean erakusgai dago 2024/05/13
LGTBI
Feminismoa
- Udal adierazpena, LGTBI+ Harrotasunaren Nazioarteko Egunean 2024/06/28
- LGTBIfobiaren aurkako eta sexu askatasunaren aldeko mezua agertu du Hezkidetza Foroak 2024/05/17
- Berdintasunerako ordenantza jendaurrean erakusgai dago 2024/05/13
- Azken erailketa matxista dela-eta, Zumaiako Udalaren adierazpena 2024/05/07
Hezkuntza
- 360.000 euroko dirulaguntza lortu du Udalak, Aita Mari eraikina eraberritzeko 2024/06/27
- Zumaiako Herri Eskolako Aita Mari eraikineko lehen solairua eraberritzeko lanak martxan 2024/06/05
- LGTBIfobiaren aurkako eta sexu askatasunaren aldeko mezua agertu du Hezkidetza Foroak 2024/05/17
- Erribera kaleko zamalanen ordutegia doitu egin da ikasleen segurtasunari lehentasuna emateko 2024/05/10
Haurrak
- Udalekuetan parte hartuko duten haurren gurasoekin bilerak egingo dituzte ekainaren 20an 2024/06/11
- Zabalik dago Musi-K udalekuetan izena emateko epea 2024/06/07
- Datorren ikasturteko haurren igeriketa ikastaroetan izena emateko epea zabalik, uztailaren 12ra arte 2024/06/03
- Bizikleta eguna izango dugu Zumaian larunbat honetan 2024/05/29