Euskara sustatu eta erabilera bultzatzeko hitzarmena sinatu dute Larraina elkarteak eta Udalak bigarren urtez
2023an zehar euskararen sustapenaren aldeko ekintzak aurrera eramateko 10.000 euroko laguntza emango dio Udalak Larraina elkarteari.
Larraina euskara taldea 2020an eratu zen lehenengo Euskaraldia antolatzeko sortutako talde eragilearen eskarmentua eta emaniko aukera baliatuta. Harrez gero, zenbait sentsibilizazio kanpaina eta ikerketa egin ditu, eta 2022ko urtarrilean formalki eratu zen.
Larrainaren helburuak honako hauek dira: Zumaian euskararen erabilera sustatzea; Euskarak 365 egun ekimena eta izaera bereko beste batzuk bideratzen laguntzea; Euskaraldia bultzatzea; hitzaldi zikloa antolatzea; euskal kultura herritarren artean zabaltzea; eta, euskarari dagokionez, Zumaiako herritarrak sentsibilizatzea. Horiek horrela, Larrainak hainbat jarduera egingo ditu urtean euskara sustatu eta erabilera bultzatzeko asmoz.
Elkarteak herriko berezko hizkuntzaren alde eta irabazi asmorik gabe egiten duela ikusita, Zumaiako Udalaren iritziz interes sozial handikoa da. Udalarentzat lehentasun handikoa da euskararen sustapena eta jakitun da kasu askotan Udaletik bertatik egin ezin dena egin litekeela herrigintzatik elkarte baten bitartez. Horregatik, jarduera horiek aurrera eramateko 10.000 euroko laguntza emango dio elkkarteari. Halaber, bi aldeek harreman iraunkorra izango dute, eta, urtean gutxienez hiru aldiz euskara zerbitzuko teknikariekin bilduko dira elkartekideak, ekimenak elkarrekin adosteko, eta elkarren berri izateko.
Zumaiako Udaleko Euskara Zerbitzuak aspalditik du harreman zuzena herriko euskaltzaleekin, eta Larraina sortu zenetik, eskuz esku aritu dira lanean bi aldeak. Iaz, elkarte moduan eratu eta gero, Zumaiako Udalak eta Larraina euskara elkarteak harremana formalizatu zuten, lankidetza hitzarmen baten bidez. Orain, bigarren aldiz sinatu dute hitzarmena. Zumaiako Udalak euskara sustatzeko konpromiso eta borondatea agertu du, eta aurrerantzean ere herriko elkarte eta kolektiboekin aritzearen garrantzia nabarmendu nahi du, horien lana eta konpromisoa eskertzearekin batera.
> Udala eta Larraina elkartearen arteko hitzarmena
Albiste erlazionatuak
Euskara
- Aurten ere egin errenta aitorpena euskaraz 2024/04/02
- Ohiko osoko bilkura egingo dute ostegun honetan 2024/03/19
- Zumaiako haurren hizkuntza ohiturak, adimen artifiziala eta kirol mundua izango dituzte hizketagai 'Euskara, bestela ez gara' hitzaldi zikloan 2024/02/02
- Iñaki Beobide Agirrezabalaga, gugan bego 2024/01/16
Elkarteak
Parte hartzea
- Padel txapelketa mistoa jokatuko da Zumaian maiatzean eta ekainean zehar 2024/04/17
- 'Egin arraunean gurekin!' crowfunding kanpaina martxan, traineru berria erosteko 2024/04/12
- Santelmoetako egitaraua aurkeztu dute herriko elkarteek eta Udalak 2024/03/21
- [BIDEOA] Egin zaitez Egutera energia kooperatibako bazkide! 2024/03/16
Zumaia bizitzeko da
- Bi markagailu berri kiroldegiko pistan 2024/04/19
- Sanpedroetako artisau azokan parte hartzeko deia zumaiarrei 2024/04/18
- Padel txapelketa mistoa jokatuko da Zumaian maiatzean eta ekainean zehar 2024/04/17
- Udal eraikinen garbitzaile bat aldi baterako kontratatzeko eta lan poltsa osatzeko prozesua hasi du Udalak, Lanbideren bitartez 2024/04/17