Haur eta nerabeen garapen osasungarriaz ariko da Leyre Cano maiatzaren 19an

2022/05/05

12 eta 18 urte bitarteko haur eta nerabeei zuzendutako hitzaldia da honakoa, Guraso Eskolen baitan antolatutakoa. Hitzaldira joan nahi dutenek maiatzaren 17a baino lehen eman beharko dute izena, brankaharrera@zumaia.eus helbidera idatzita edo 943 86 22 00 telefonora deituta.

Gurasoak heziketa prozesuan inplikatzea eta horretarako bidelaguntza eskaintzea, eta gurasoen arteko sare berriak sortzea dira Zumaiako Guraso Eskolaren helburuak. Udaleko Gizarte Zerbitzuek, eta Hezkuntza eta Gazteria sailek elkarlanean antolatutako programa da, eta 0 eta 18 urte bitarteko haur eta gazteen gurasoei zuzenduta dago. Hala, hiru talde desberdinetan banatuta, adin-tarte bakoitzaren ezaugarrietara egokitutako formakuntza jasotzeko aukera izan dute Zumaiako gurasoek 2022an.

6 eta 18 urte bitarteko haur zein nerabeen gurasoek ere izan dute aukera Guraso Eskolan parte hartzeko. Horien kasuan, hiru hitzaldi desberdin entzuteko aukera izan dute. Martxoaren 1ean "Emozioen garrantzia familian. Nola zaindu seme-alaben emozioak?" hitzaldia eskaini zuen Leyre Cano psikopedagogoak. Martxoaren 22an gazteak eta substantzien kontsumoa izan zituen hizpide Estibaliz Ansotegi psikologoak.

Azken hitzaldia maiatzaren 19an izango da; Leyre Cano psikopedagogoak haur eta nerabeen ongizaterako garapen osasuntsu baterako gakoak azalduko dizkie 12 eta 18 urte bitartekoen gurasoei. Hitzaldira joan nahi dutenek maiatzaren 17a baino lehen eman beharko dute izena, brankaharrera@zumaia.eus helbidera idatzita edo 943 86 22 00 telefonora deituta.

Haur eta nerabeen garapen osasungarriaz ariko da Leyre Cano maiatzaren 19an