'Losers' antzezlanerako sarrerak eskuratzeko aukera

2021/09/29
Aforoari lotutako arauak leuntzearekin batera, beste 20 sarrera jarriko ditu eskuragarri Zumaiako Udalak. Sarrerak erosi nahi dituztenek irailaren 30eko 12:00ak bitartean e-mail bat bidali beharko dute kultura@zumaia.eus helbidera; zozketa egingo da interesa agertu dutenen artean.

Hobekuntza lanak amaituta, ostiral honetan (irailaren 1ean) zabalduko ditu ateak Aita Mari zinemak. "Losers" antzezlanaz gozatzeko aukera izango dute herritarrek.

Aurreikusitako sarrera kopurua agortuta bazegoen ere, aforoari lotutako arauak leuntzearekin bat, eta antzezlanarekiko interesa ikusita, Zumaiako Udalak beste 20 sarrera eskuragarri jartzea erabaki du.

Horrenbestez, sarrerak erosi nahi dituztenek e-mail bat bidali beharko dute kultura@zumaia.eus helbider, irailaren 30eko 12:00ak aurretik (adi irakurri ondorengo oharrak):

  • Mezuan jarri beharreko gaia: LOSERS Antzezlana-sarrerak.
  • Bakoitzak bi sarrera erosi ahalko ditu gehienez
  • Jasotzen diren e-mailen artean zozketa egingo da, eta irabazleek e-mail bat jasoko dute
  • Sarrerak antzokian bertan ordaindu beharko dira ostiralean, 19:00-19:30 bitartean