Ostegunean amaituko da kultura eta artearen alorreko sormen bekarako proposamenak aurkezteko epea
Kultura, arte plastikoak, ikus-entzunezkoak, argazkia, antzerkia, literatura, musika, dantza eta koreografia edo diziplina anitzen arteko lanak barnebiltzen ditu deialdiak. 8.000 eurokoa da beka, eta banaka zein taldean aurkeztu daiteke. Jasotako proiektuen balorazioaren arabera, kopuru osoa proiektu bakar bati edo gehiagori emango zaie. Proposamenak aurkezteko epea ostegunean, azaroaren 2an, amaituko da.
Sormen lanak babesteko helburuarekin sortu zuez iaz Zumaiako Udalak beka berri hau. Kultur sorkuntza bezala ulertuko da artistaren imajinaziotik eratorritako edozein obra: literatura, antzerkia edo antzerki testuak, zinema eta ikus-entzunezkoak, dantza, arte plastikoak, eta bestelakoak. Proiektu zehatzak eta beharrezko sormen prozesua barnebiltzen ditu deialdiak.
Banaka zein taldean aurkeztu daiteke deialdia, eta, guztira, 8.000 euro banatuko dira (iaz baino 3.000 euro gehiago). Jasotako proiektuen balorazioaren arabera, kopuru osoa proiektu bakar bati edo gehiagori emango zaie. Dirulaguntzaren kontzeptu guztiak dirulaguntza izendatu eta 9 hilabeteren epean egin beharko dira. Deialdia zabalik dago dagoeneko, eta proposamenak azaroaren 2ra bitartean jasoko ditu Udalak.
Proiektua hautatzeko irizpideak:
Dirulaguntzak emateko hainbat balorazio hartuko dira kontuan, eta faseka egingo da puntu banaketa:
LEHEN FASEA: 10 puntu
Udalerriarekiko lotura: eskatzaileak/ek eta proiektuak Zumaiako udalerriarekin duten lotura, guztizko puntuazioaren % 10. Guztizko puntuazioaren % 5era iristen ez diren eskaerak deialditik kanpora geratuko dira.
BIGARREN FASEA 80 puntu
-
Proiektuaren kalitate artistikoa (40 puntu).
-
Aurrekontua, finantzazio plana eta proiektuaren bideragarritasun ekonomikoa (10 puntu).
-
Bestelako puntuak:
-
Euskara: sorkuntza euskaraz izatea, hizkuntzari ekarpena...(10 puntu).
-
Proiektuan genero ikuspegia txertatuta egotea (10 puntu).
-
Herrian egingo den aurkezpen edo lanketa (aurkezpen, emanaldi, erakusketa, tailer...) eta Zumaiatik at izango duen ibilbide proposamena. (10 puntu)
HIRUGARREN FASEA: 10 puntu
-
Curriculum Vitaea (10 puntu)
Proposamenak aurkeztea
Eskabideak Herritarren Arreta Zerbitzuan edo erregistro elektronikoaren bidez aurkeztu daitezke. Proposamenak aurkezteko epea azaroaren 2an itxiko da.
> Deialdia
> Eranskinak: Eskaera orriak
Albiste erlazionatuak
Kultura
Dirulaguntzak
- Merkataritza lokalak ekintzaile berrien bitartez berreskuratzeko dirulaguntza deialdia argitaratu du Zumaiako Udalak 2023/10/27
- Zabalik dago Zumaiako goi-mailako kirolariei eta behar bereziak dituzten herritarrei zuzendutako dirulaguntza deialdia 2023/10/16
- Kultura eta artearen alorreko sormen lanetarako dirulaguntzen deialdia zabalik, azaroak 2 arte 2023/10/05