Piktogramak zebrabideetan, autismoa duten haurren autonomia sustatzeko
Sustatzaileen arabera, halako ekimenekin “pertsona guztien irisgarritasunerako eskubidea bermatzen da, eta, bereziki, Autismoaren Espektroko Nahastea duten haurrena". Udal brigadak egin ditu margoketa lanak.
Zumaiako Udalak ere, Tevial eta Gautena elkarteekin elkarlanean, herriko zebrabideetan piktogramak margotu ditu, Espektro Autistaren Nahasmendua duten pertsonen autonomia sustatzeko. Ekimenaren berri emateko agerraldia egin dute Iñaki Ostolaza Zumaiako alkateak, Maialen Arrastia Gautenako ordezkariak, eta Monica Mora, Antonella Ieva, Leire Baraibar, Mohamed Dahou eta Ikean Abatui autismoa duten haurren guraso taldeko kideek.
Autismoa duten haurren gurasoen taldeak luzatu zieten proposamena Zumaiako Udalari, eta proposamena aztertu eta gero egin ditu udal brigadak piktogramak margotzeko lanak. Antonella Ievaren arabera, piktogramekin beraien haurren autonomia sustatuko da: “semaforoetan euskarri bisual bat dute gure seme-alabek, baina semafororik ez duten zebrabideetan, askotan, galdu egiten dira”. Izan ere, autismoa duten zenbait haur “ikusmenagatik gidatzen dira, entzumenarekin baino gehiago”. Hori horrela izanik, autismoa duten haurrak seinale edo abisuak "piktogramen bidez errazago ulertzen dituzte", adierazi du Mohamed Dahouek.
Leire Baraibarren arabera, “gainontzeko haurrentzat ere positiboa da piktogramen ekarpena, komunikazio-modu erazagoa delako”. Finean, pertsona guztien irisgarritasuna bermatzeko pausua dela uste dute sustatzaileek, hizkuntza ezagutzen ez duten pertsonentzat, haur eta adinekoentzat edo adimen urritasuna dutenentzat ere komunikazio-metodo egokia izanik.
Iñaki Ostolaza alkatearen arabera, Zumaia "guztiok bizitzeko moduko herria" izateko ezinbestekoak dira halako ekimenak: “herri hezitzaileen printzipioek proposatzen digute haurren eta bazterrean dauden pertsonen begietatik begiratu eta eraiki behar dugula Zumaia, eta halako ekimenak bide horretarako pauso bat gehiago dira”.
Albiste erlazionatuak
Zumaia bizitzeko da
- 2 eta 14 urte bitarteko haur eta nerabeei zuzendutako udaleku eskaintza zabala izango da aurtengo udaran ere 2024/03/26
- Goiko Plazaren plaza izaera berreskuratzeko pausoak ematen hasi da Zumaiako Udala 2024/03/21
- Nerabeen osasun mentalaz ariko dira hurrengo Guraso Eskolen saioan 2024/03/21
- Santelmoetako egitaraua aurkeztu dute herriko elkarteek eta Udalak 2024/03/21
Haurrak
- 2 eta 14 urte bitarteko haur eta nerabeei zuzendutako udaleku eskaintza zabala izango da aurtengo udaran ere 2024/03/26
- Haur eta nerabeei zuzendutako txangoak antolatu dituzte udaberriko oporretarako 2024/03/04
- 'Harreman osasuntsuak lagun artean' hitzaldia emango du Nerea Mendizabal psikopedagogoak otsailaren 27an 2024/02/19
- Patxita parkea berregokitu du Udalak 2024/01/29
Hezkuntza
- 2 eta 14 urte bitarteko haur eta nerabeei zuzendutako udaleku eskaintza zabala izango da aurtengo udaran ere 2024/03/26
- Nerabeen osasun mentalaz ariko dira hurrengo Guraso Eskolen saioan 2024/03/21
- Guraso eta seme-alaben arteko komunikazioa hobetzeko gakoak landuko dituzte hilaren 19an 2024/03/14
- 'Harreman osasuntsuak lagun artean' hitzaldia emango du Nerea Mendizabal psikopedagogoak otsailaren 27an 2024/02/19
Herri hezitzailea
- 2 eta 14 urte bitarteko haur eta nerabeei zuzendutako udaleku eskaintza zabala izango da aurtengo udaran ere 2024/03/26
- Guraso eta seme-alaben arteko komunikazioa hobetzeko gakoak landuko dituzte hilaren 19an 2024/03/14
- Herriko plazei buruzko egutegia landu du Euskara Zerbitzuak 2023/12/28
- 'Kimikarin' zientzia tailerrak egingo dituzte urtarrilaren 2an 2023/12/20