Salgai daude erosketa bonoak

2022/11/16

30 euroren truke 40 euroko balioa duten erosketa txartelak erosi ditzakete zumaiarrek, eta 2023ko urtarrilaren 6ra bitartean erabili ahal izango dituzte, kanpainarekin bat egiten duten establezimenduetan.

Orain arte egindako ErrotaHerria kanpainen balorazioa positiboa positiboa izanik, eta herriko merkataritza, ostalaritza eta zerbitzu enpresa txikiei beste bultzada bat emateko, udazkeneko bono kanpaina berria abiatu dute Udalak eta Gertu merkatari elkarteak. Zehazki, 30 euroren truke 40 euroko balioa duten erosketa txartelak jaulki dituzte. Txartel bakoitzak 10 euroko lau zati ditu, eta banaka edo batera erabili daiteke. Herritarrek gaurtik aurrera erosi ditzakete turismo bulegoan, agortu arte.

Herritar bakoitzak bi bono eskuratu ahal izango ditu, eta bonoa erostean NANa edo identifikazio txartel bana erakutsi beharko da bono bakoitzeko. Erosketa txartelak 2022ko azaroaren 16tik 2023ko urtarrilaren 6ra bitartean erabili ahal izango dira, kanpainarekin bat egin duten establezimenduetan.

Salgai daude erosketa bonoak