Santelmoak antolatzeko bilera irekia izango da otsailaren 22an
Udaleko Kultura Sailak herriko eragileen eta taldeen proposamenak jasoko ditu. Bilera 19:00etan izango da Alondegian.
Inauterien atarian gauden arren, konturatzerako santelmoak iritsiko dira. Festetarako bi hilabete falta diren honetan, Kultura Saila antolaketa lanetan ari da eta herriko elkarte eta taldeekin bilduko da, elkarlanean proposamenak landu eta festetako egitaraua osatzeko. Bilera irekia izango da horretarako, hilaren 22an, asteazkenean, 19:00etan Alondegian.
Dagoeneko egitaraua lantzen hasi diren elkarteek proposmenak aurrez jakinarazi diezazkiote Kultur Sailari. Alondegia kultur etxeko bulegora joanda aurkeztu ditzakete proposamenak, baita 943861056 telefonora deituta edo kultura@zumaia.eus helbidera idatzita ere.
Albiste erlazionatuak
Festak
- Euskal Jai egunean lan egiteko deialdia herriko taldeei 2024/07/08
- Sanpedroak direla-eta kontutan hartu beharrekoak: su artifizialak, aparkalekuak eta bestelakoak 2024/06/27
- Sanpedroak ate joka, aurtengoan, berrikuntzekin 2024/06/19
- Zabalik dago auzoetako festak antolatzeko dirulaguntzen deialdia 2024/06/11