Santelmoetako egitaraua aurkeztu dute herriko elkarteek eta Udalak

2024ko San Telmo jaietako egitaraua aurkeztu dute herriko eragileetako eta Zumaiako Udaleko ordezkariek. Beste urte batez, bi asteburuz, musikaz, dantzaz eta giro onez beteko da herria. Ohi bezala, larunbatean izango da txupinazioa, baina festetako egitaraua ostiraletik hasiko da. Bertso saioak, kontzertuak, batukada eta txarangak, haurrentzako ekitaldiak, dantzaldiak, danborradak, kirol probak, herri bazkariak... asko izango dira festetan izango diren ekitaldiak.

Ekitaldi horiek guztien antolaketan "ezinbestekoak" izan dira herriko elkarteak, eta Zumaiako Udalak eskerrak eman dizkie festen prestaketan parte hartzen duten herritar eta elkarte guztiei. 

Festez gozatu, arduraz jokatu

Festak guztiontzako espazio atsegin eta seguruak izan daitezen, eraso eta jarrera matxisten aurkako jarrera hartzera deitu nahi ditu Udalak herritarrak. Ildo horretan, gauero eraso matxisten aurkako gunea izango da Kofradian, 22:00etatik 01:00era bitartean.

Horrez gain, kontsumo arduratsurako deia egin die herritar guztiei. Herriko nerabeekin lanketa egiteko, bi larunbatetan Ai Laket! elkarteko hezitzaileak egongo dira Zumaiako kaleetan, 20:30etik 00:30era.

Zumaiako Udalak eta herriko eragilek arduraz jokatuz eta elkartasunez festez gozatzeko deia egin diete zumaiar guztiei.

Pilota partida lehenengo igandean

Santelmoetan goi-mailako pilota partidak izango ditugu herrian. Apirilaren 9an (igandea) pilotari profesionalen bi partida izango dira, 17:00etan Aitzuri frontoian. 25 euro edo 30 euro balio dituzte sarrerek, eta dagoeneko salgai daude entradasfronton.com webgunean.

Bi partida ikusi ahal izango ditugu herrian: lehenengoa, eskuz banakako txapelketako final-zortzirenetakoa (zozketa bidez zehaztuko da bikoa); bigarrena, Altuna-Martija eta Elordi-Zabaleta bikoteen artekoa.

Santelmoak 2024. Egitaraua:

APIRILAK 5, OSTIRALA

18:00 Odieta frontoia, pala egokitua bikoteka: zumaiarren arteko partida eta gurpildun aulkiko pala, GKS eta IAk antolatuta

21:00 Txosna eremua, DJ emanaldia: Huegun, Luji, Maitx eta Goiko

22:00 Zumaiena, bertso jaialdia: Maialen Lujanbio, Andoni Egaña, Nerea Ibarzabal, Joanes Illarregi, Xabat Galletebeitia eta Sustrai Colina. Gai-jartzailea: Maddalen Arzallus

APIRILAK 6, LARUNBATA

11:00 Udal Txistulari Bandaren kalejira

12:00 San Telmo ermita, txupinazoa jaiei hasiera emateko

Jarraian jaitsiera Musika Eskolako trikitilariek lagunduta

Ondoren hamaiketakoa, Itxas Gain elkarteak antolatuta. Tartea

alaitzeko, trikitilariak eta Bertso Eskolako ikasleak

12:30 Zumai txaranga kalejiran eta trikitilariak herrian zehar

13:00 Ondartxo, euskal dantzak Musika Eskolako haurren eskutik. Euria eginez gero, Zumaiena aretoan

13:45 Kofradia, Zumaiako Arku Dantza

14:30 Herri eskolako frontoia, gazte bazkaria

17:00 Odieta, haur jolasak, Kulkiren itsasoko herri kirolak

Bazkalondoan Elektrotxorongo elektrotxaranga kalejiran, Gazte Asanbladak antolatuta

18:00 Iraunkorrak txaranga kalejiran

21:30 Torreberri, DJ saioa: Murxi, Saizar, Huegun eta Guija, GKS eta IAk antolatuta

22:00 Txosna eremua, Gazte Eguna Kontzertuak: Perlata, Neallta Fola eta Skareggekasko

22:30 Kofradia, dantzaldia Bide Batez

APIRILAK 7, IGANDEA

08:00 Goiz soinua Ustekabe txarangarekin

11:00 trikiti kalejira Trikitxas bikotearekin

11:30 Hamaiketakoa herriko arrantzale zaharrentzat, Arbustain Motor Elkarteak antolatuta

12:00 Sagarbide ikastetxetik irtenda, haurren danborrada

12:30 Ustekabe txarangaren saioa

17:00 Udaletxetik irtenda, buruhandi eta erraldoiak Udal Txistulari bandarekin

Jarraian Torreberri, Porrusalda erromeria

17:30 Aitzuri pilotalekua, esku pilota partida profesionalak

18:30 Ustekabe txarangaren kalejira

19:00 Txosnagunea, kontzertuak: The Grace of Dionysus, Pertz eta Biderbost 19:00 Trikitxas bikotearekin trikiti kalejira

22:15 Danborrada berezia

22:30 Kofradia, dantzaldia: Joselu Anaiak

Gauerdian Kofradia, bandera igotzea Pedro Etxabe Etxabe arrantzale

ohiaren eskutik. Txapel oroigarria oparituko dio Arbustain Motor Elkarteak

Jarraian Kofradia, berbena Joselu Anaiak taldearekin

00:30 Txosnagunea, DJ saioa La Fulana

APIRILAK 8, ASTELEHENA: San Telmo eguna

10:15 Ohiturazko prozesioa San Telmo ermitara

10:30 Meza Nagusia, itsasoaren aurrean otoitza eta parrokiara itzulera. San Telmoren erlikia gurtzea

Ondoren, gonbidatuei hamaiketakoa eskainiko zaie

11:30-14:00 Odieta, puzgarriak

12:30 Incansables txarangarekin kalejira

16:30-19:00 Odieta, puzgarriak

18:00 Kofradia, plaza dantzak eta gehiago

18:30 Incansables txarangarekin kalejira

19:00 Aitzuri pilotalekua, zesta-punta jaialdi profesionala. Gizonezko eta emakumezkoen finala

19:30-22:30 Kofradia, dantzaldia Lotxo taldearekin

APIRILAK 12, OSTIRALA

17:00 Eusebio Gurrutxaga plaza, Igel-toka eta Pote txapelketa irekia, 12-16 urte.

Ondoren, +16 urte. Beheko Plaza elkarteak antolatuta

19:30 Amaia plaza, irrintzi txapelketa feminista + brindisa

20:00 Oxford aretoa, Bertsofest

21:00 Txosnagunea, bertsio gaua

APIRILAK 13, LARUNBATA

10:00 Eusebio Gurrutxaga plaza, XXIV. Olagarro-zopa lehiaketa.

Ekitaldia alaitzeko trikitilariak Elustondo anai-arrebak

11:00 Kofradia, hamaiketako musikatua Joxe Mendizabalekin.

Jarraian Erribera, kantu kalejira

14:00 Denak Txosnetara! Argazkia

14:30 Txosna eremua, bazkaria

Ordu berean Torreberri, ikasle eta gazte bazkaria. GKS eta IAk antolatuta

Bazkalostean, kontzertu akustikoa: Edu Zardoya

17:30 Herriko txaranga eta Pello eta Nikolasa erraldoiekin kalejira

18:00 Odieta, Urrezko aizkolarien XXVII. Banakako txapelketaren lehen kanporaketa (Eusko Label Saria)

18:30 Herriko txarangarekin kalejira

21:30 Torreberri, kontzertuak: RPG-7, Habemus Papam, Istilu, Hoben eta Ballium,  GKS eta IAk antolatuta

22:00-01:00 Kofradia, diskoteka DJ Davila

22:30 Txosna eremua, kontzertuak: Akaleia, EZEZEZ eta Rukula

APIRILAK 14, IGANDEA

08:00 Goiz soinua Zumai txarangarekin

11:00-13:30 Oxford aretoa, santelmoetako XXI. Scalextric torneoa

12:00 Itzurun hondartza, zaldi lasterketa

12:00 Sutan txarangaren kalejira

16:30-19:00 Oxford aretoa, santelmoetako XXI. Scalextric torneoa

17:00 Eusebio Gurrutxaga plaza, Bizijolas jolasak eta tailerrak

18:00 Sutan txarangaren kalejira

18:30 Trainerillen estropadak, XXXIX. San Telmo saria (gizonezkoak) eta X. San Telmo saria (emakumezkoak)

19:00 Babarrunba taldearekin kalejira

22:00 Sukar taldearekin erromeria

Gauerdian bandera jaistea eta santelmoei agurra

Albiste erlazionatuak