TAO berria baloratzeko herritarren ekarpenak jaso nahi ditu Udalak

2021/10/29

Herritarrek partaidetza.zumaia.eus webgunearen bidez eman dezakete iritzia, azaroaren 9ra arte.

Zumaiako Udalak TAO ordenantza berria onartu zuen urte hasieran. Aldaketa egiteko, mahai tekniko-politikoa indartu zuen Udalak, teknikarien iritziei ez ezik, herritarrek sistemaren inguruan zituzten kritikak eta ekarpenak kontutan hartuta idazteko ordenantza berria.

Ordenantza berria apirilaren 1ean sartu zen indarrean, eta ordutik TAO sistemaren aldi desberdinetan erregulazioak nola funtzionatu duen ikusteko aukera izan dute herritarrek. Horrenbestez, TAO sistemaren balorazioa egitean kontutan hartzeko, herritarren ekarpenak eskatzen ditu Udalak. Horretarako, partaidetza.zumaia.eus webgunea erabili beharko dute, azaroaren 9ra bitartean.

> Eman zure iritzia

TAO berria baloratzeko herritarren ekarpenak jaso nahi ditu Udalak