Udala eta herriko ikastetxeak elkarlanean, kurtso berriari ekiteko
2020/2021 ikasturtea datorren astelehenean hasiko da, eta ezohiko egoerari aurre egiteko, Zumaiako Udala eta herriko eskolak elkarlanean ari dira. Udalak hainbat guneren garbiketa zerbitzua indartuko du, eta herriko hainbat espazio eskolen erabilerarako gordeko ditu.
Gaur bertan Zumaiako Herri Eskolako eta Zumaienako zuzendaritzako ordezkariekin bildu dira udal ordezkari eta teknikariak, horien beharren araberako neurriak adosteko.
Alde batetik, Udalarenak diren ikastetxeetan garbitasuna indartuko da Eusko Jaurlaritzako Hezkuntza Sailak ezarritako protokoloak ahalik eta ondoen betetzeko, eta bestetik, herriko hainbat espazio ikastetxeen erabilerarako gordetzea adostu dute. Gainera, Zumaiako Institutuko klaustro-bilerak Aita Mari zinean egingo dituzte.
Haurreskolako ordezkariekin ere bildu da Udala azken aste honetan, eta Arrangoletako plaza itxita egongo da eskola zabalik dagoen bitartean. Halaber, EUDELen eskaerari erantzunez, Udalak ikasgela moduan erabili daitezkeen eraikinen zerrenda prestatu eta bidali du.
Zumaiako Udalaren nahia da, egoera berezi honetan, eskolei ahalik eta erraztasunik handienak ematea beren jarduera garatzeko. Gainera, aurrerantzean ere harremanetan jarraitzeko borondatea agertu dute.
Herriko hainbat gunetan, eskolek lehentasuna
Ikastetxe bakoitzak inguruko espazioak erabiltzea adostu dute. Eskolentzat gordetako espazioetan lehentasuna izango dute eskoletako haurrek, eta herritarrei eskatzen zaie espazio horietan arduraz jokatzeko, ahal dela, eskolako orduetan ez erabiltzeko eta unean uneko jarraibideak errespetatzeko. Eskolak ohiko espazioetatik aterako diren honetan herria haurrentzat eremu seguru, atsegin eta gozagarri egitea herritar guztion ardura dela nabarmendu dute.
Honakoak dira eskolek erabiliko dituzten guneak:
-
Herri Eskolak Puntanoetako jolas-parkea, Aitzuri frontoiaren aurreko berdegunea eta Marianton parkea erabiliko ditu; azken bi gune horietan txakurrak ibiltzea debekatu egingo da haurrek lasai erabili ahal izan dezaten.
-
Haurreskolaren kasuan, Arrangoleta plaza herritarrentzako itxita egongo da haurreskola irekita dagoen orduetan.
-
Zumaienak ikastetxearen ondoan dagoen Bidabeazpiko jolas-parkea eta Foronda gaina erabiliko ditu.
Albiste erlazionatuak
Zumaia bizitzeko da
- Bi markagailu berri kiroldegiko pistan 2024/04/19
- Sanpedroetako artisau azokan parte hartzeko deia zumaiarrei 2024/04/18
- Padel txapelketa mistoa jokatuko da Zumaian maiatzean eta ekainean zehar 2024/04/17
- Udal eraikinen garbitzaile bat aldi baterako kontratatzeko eta lan poltsa osatzeko prozesua hasi du Udalak, Lanbideren bitartez 2024/04/17
Hezkuntza
- 2 eta 14 urte bitarteko haur eta nerabeei zuzendutako udaleku eskaintza zabala izango da aurtengo udaran ere 2024/03/26
- Nerabeen osasun mentalaz ariko dira hurrengo Guraso Eskolen saioan 2024/03/21
- Guraso eta seme-alaben arteko komunikazioa hobetzeko gakoak landuko dituzte hilaren 19an 2024/03/14
- 'Harreman osasuntsuak lagun artean' hitzaldia emango du Nerea Mendizabal psikopedagogoak otsailaren 27an 2024/02/19
Covid19
- COVID ziurtagiria dela-eta, Zumaiako Udalaren oharrak 2021/12/16
- Kiroldegian eta kultur ekitaldietan ohiko funtzionamendua berrezarriko da ostiral honetan 2021/10/07
- Zabalik dago ekintzailetasuna, enplegua, inbertsioak eta lehiakortasuna hobetzeko egitasmoak sustatzeko dirulaguntzen deialdia 2021/08/06
- Aurtengo udan ere betetze maila neurtuko da Zumaiako hondartzetan 2021/06/11