Udalekuetan parte hartuko duten haurren gurasoekin bilerak egingo dituzte asteazken honetan

2023/06/19

Asteazken honetan (ekainak 21) izango dira bilerak: 17:00etan euskaraz, eta 17:45ean gazteleraz. Bi saioak Aita Mari zine aretoan izango dira.

Aurtengo udan Zumaian egingo diren Udaleku Irekietan parte hartuko duten haurren guraso eta tutoreekin bilera egingo dute Ludotekako hezitzaileek. Bileran, euren haurra zein taldetan egongo den esango diete gurasoei, eta ildo beretik, udalekuetako programazioaren berri emango zaie.

Hala, ekainaren 21ean bi bilera deitu dituzte gurasoei zuzenduta. Lehenengoa euskaraz izango da, 17:00etan; bigarrena, gazteleraz, 17:45ean. Bi saioak Aita Mari zine aretoan izango dira. Udalekuen inguruko zenbait gai landuko dituzte bileran eta zuzendaritza taldea ezagutzeko aukera izateaz gain, gurasoek dituzten galderak eta zalantzak argitzeko aukera ere izango dute.

Zalantzarik izatekotan, gurasoak Ludotekako hezitzaileekin harremanetan jarri daitezke, ludoteka@zumaia.eus e-mailera idatzita edo 943143264 telefono zenbakira deituta.
Udalekuetan parte hartuko duten haurren gurasoekin bilerak egingo dituzte asteazken honetan