Zumaiako merkatariekin bilera egingo du Udalak, Merkataritza arloko Plangintza Estrategikoa osatzeko

2022/12/15

Jardunaldia datorren asteartean, abenduaren 20an, eguerdiko 15:00tan Oxford aretoan izango da. Sektorearentzako gakoak izan daitezkeen aspektuak mahai gainean jarri eta merkatarien ekarpenak jasoko dituzte bertan.

Zumaiako Udala herriko Merkataritza arloko Plangintza Estrategikoa garatzeko lanetan murgilduta dago. Lehen fasean, Zumaiako merkataritza arloko eskaintzaren, eskariaren eta kokapen espazialaren diagnosia egiten ari da.

Azterketa hori egiteko, azken asteetan merkatariek galdetegi bat erantzun ahal izan dute. Orain, diagnosiaren garapenean identifikatutako puntu garrantzitsuenen kontrastea egiteko asmoz, Zumaiako merkatari eta zerbitzu enpresetako arduradunekin foku taldeko bilera bat egingo dute. Sektorearentzako gakoak izan daitezkeen aspektuak mahai gainean jarri eta merkatarien ekarpenak jasoko dituzte bertan. Halaber, hainbat gairen gaineko eztabaida sustatuko da, galdetegietan jasotako ideiak berresteko helburuarekin.

Jardunaldia datorren asteartean, abenduaren 20an, eguerdiko 15:00tan Oxford aretoan izango da. Saioa ahalik eta ondoen prestatzeko, parte hartzeko beharrezkoa izango da aurrez izena ematea. Horretarako, honeko formularioa bete behar da: IZENA EMAN.

ABENDUAK 20, ASTEARTEA

15:00 | OXFORD ARETOAN

IZENA EMAN

Zumaiako Udalak merkatari ororen partehartzearen garrantzia nabarmendu nahi du, eta, era berean, eskerrak eman nahi dizkie prozesuan ekarpena egiten ari diren guztiei.

Zumaiako merkatariekin bilera egingo du Udalak, Merkataritza arloko Plangintza Estrategikoa osatzeko