Zumaiako Udalak gogorarazi du Gizarte Zerbitzuak herritarren eskura daudela, beharrak asetzen laguntzeko

2020/04/17

Urte osoan zehar, eta bereziki, halako egoera larrien aurrean, Udaleko Gizarte Zerbitzuak herritarrei arreta emateko daudela gogorarazi du Zumaiako Udalak. Arlo pertsonalaren lanketa, laguntza ekonomikoak eta sozialak, eta babesa eskaintzen dituzte Gizarte Zerbitzuek, besteak beste.

Udaleko Gizarte Zerbitzuek herritarren autonomia eta bizi-baldintzak hobetzeko egiten dute lan. Hori bermatzeko, norbanakoek zein familiek Gizarte Zerbitzuetara jo dezakete, behar edo premiei erantzuten laguntzeko.

Gizarte Zerbitzuak: 943 86 22 00 // 608755982

Gizarte Zerbitzuetako langileek kasu bakoitza aztertu, eta eskura dituzten baliabide eta prestazioak martxan jarriko dituzte.

Informazio guztia gune bakarrean

Zumaiako Udalak COVID-19aren krisiari erantzuteko erakunde desberdinek martxan jarritako neurriak bildu ditu webgunean. Bertan, herritarrei bideratutako informazioa eta laguntzak bildu dituzte. Horrez gain, enpresa eta autonomoei bideratutako laguntzak jaso dituzte, baita prebentzio neurriak eta adinekoei zein familiei zuzenduko gomendio orriak ere.

Era berean, telefono agenda bat osatu dute, informazio eta aholkularitza non eskatu zehazten duena. Herritarrek dituzten premia eta beharrei erantzuteko Gizarte Zerbitzuekin jarri beharko dute harremanetan, 943 86 22 00 edo 608755982 telefonoan. Gainera, enpresari eta autonomoei informazioa emateko Udaleko harrera zenbakira deitu daiteke: 943 86 50 25.

Zumaiako Udalak gogorarazi du Gizarte Zerbitzuak herritarren eskura daudela, beharrak asetzen laguntzeko