ZumaianBai.eus herriko negozioen erakusleiho birtuala, sare sozialetan ere bai
Zumaiako denda, taberna eta zerbitzu enpresa txikien informazioa biltzen du zumaiabai.eus webguneak. Herritarrek, jarduera horiei buruzko informazioa ikusteaz gain, online erosketak egiteko atal bat dute eskura. Orain, sare sozialen bidez, herritarrekin hartu-emana indartu nahi dute proiektuaren sustatzaileek.
Pandemia ondorengo egoeran sortu zuten Zumaiako Udalak eta Gertu elkartean ZumaianBai.eus webgunea, Dendartean Gipuzkoako Merkatari eta Ostalarien elkartearekin lankidetzan, tokiko jarduera ekonomikoak lagundu eta indartzeko helburuarekin. Azken urtean 250 saltoki ingururen informazioa pilatu dute webgunean, eta zuzenean erosi daitezkeen 2.000 produktu baino gehiago daude bertan jasota. Gainera, saltokien informazioa kontsultatzeko zein WhatsApp bidez eskaerak egiteko aukera ematen du plataformak.
Finean, webgune honetan herriko komertzio, taberna eta zerbitzu enpresa txikien inguruko informazioa dago bilduta: enpresen gida, argazkiak, produktuak, saltokiarekin harremanetan jartzeko beharrezko inforamzioa, edota online erosteko aukera biltzen ditu, besteak beste.
>> Instagram-eko kontua
>> Facebook-eko orria
Orain, plataformaren erabiltzaile kopurua handitzeko helburuarekin, komunikazio kanpaina bati ekin diote. Xabier Aldalur Dendartean elkarteko teknikariak eman ditu xehetasunak. Instagram eta Facebook sare sozialetan profilak zabaldu dituzte, eta, kontu horiek jarraituta, herriko saltokien produktuak, merkataritzarekin loturiko albisteak, kanpainak eta intereseko beste hainbat kontu aurkitu ahal izango dituzte zumaiarrek. Gainera, sare sozial horiek bidez zozketak egingo dituzte. Horrenbestez, sare sozialak dituzten zumaiarrak ZumaianBai.eus webgunea erabili eta sareetako bere kontuak jarraitzera animatzen dituzte.
Alex Oliden tokiko garapeneko zinegotziaren arabera, pandemia garaiak indartu egin zuen lehendik ere herriko merkatariekin zegoen elkarlanerako ohitura eta tradizioa. Pandemia egoeran hartutako neurriak eta egindako ErrotaHerria kanpainari jarraipena eman beharra zegoela uste zuten bi aldeek, eta horregatik sortu zuten online plataforma. Azken urtean webgunean informazio ugari pilatu dute, eta herriko merkatariek formakuntza jasotzeko aukera izan dute. Orain, salto honekin, erakuslehio birtuala kanpora begira indartu nahi dute nabarmendu du Olidenek.
>> zumaianbai.eus
Informazio eguneraketa
Komunikazio kanpainaren hasiera baliatuz, plataformako informazioa eguneratuko dute. Horretarako, webgunean ageri diren saltoki guztiei email bidez euren datuak eguneratzeko zein argazkiak aldatzeko aukera emango zaie. Horiek info@zumaianbai.eus helbidera bidali beharko dituzte eguneraketak.
Era berean, une honetan webgunean parte hartzen ez duten merkataritza, ostalaritza eta zerbitzu enpresek aukera dute bat egiteko. Horretarako, 638004576 telefonora deitu beharko dute. Webgune honi esker Zumaiako saltokiek beren negozioak interneten ikusgai jarri ditzakete: negozio bakoitzak fitxa bana dauka webgunean, eta bertan, oinarrizko datuez gain, harremanetan jartzeko datuak jasotzen dira.
Zehaztutako bide horiez gain, herriko negozioetako arduradunek ohiko bideak erabili ditzakete harremanetan jartzeko.
Albiste erlazionatuak
Merkataritza
- 1.000 erosketa bono jaulkiko dituzte Udalak eta Gertu elkarteak, herriko saltokiak indartzeko 2023/11/13
- Merkataritza lokalak ekintzaile berrien bitartez berreskuratzeko dirulaguntza deialdia argitaratu du Zumaiako Udalak 2023/10/27
- Zabalik dago euskarazko errotuluetarako dirulaguntzak eskatzeko epea 2023/07/04
- Merkataritza arloko diagnostikoa aurkezteko saioa izango da ekainaren 28an 2023/06/22
Tokiko garapena
- Ostegun honetan zabalduko dute Hogarreko elkarlan gunea 2023/10/31
- Merkataritza arloko diagnostikoa aurkezteko saioa izango da ekainaren 28an 2023/06/22
- Baratzeak erabiltzeko esleipendunen behin betiko zerrenda eta itxarote zerrenda argitaratu dira 2023/04/20
- Baratzeak erabiltzeko esleipendunen behin-behineko zerrenda eta itxarote zerrenda argitaratu dira 2023/03/28
ErrotaHerria
- 1.000 erosketa bono jaulkiko dituzte Udalak eta Gertu elkarteak, herriko saltokiak indartzeko 2023/11/13
- Merkatariei zuzenduriko bigarren bilera bat deitu du Udalak, Merkataritza arloko Plangintza Estrategikoa osatzeko 2023/01/10
- Zumaiako merkatariekin bilera egingo du Udalak, Merkataritza arloko Plangintza Estrategikoa osatzeko 2022/12/15
- ZumaianBai plataformaren erabilera sustatzeko zozketak izango dira Gabonetan 2022/12/01
Zumaia bizitzeko da
- Haur eta nerabeei zuzendutako txangoak eta ekintzak antolatu dituzte neguko oporretarako 2023/12/06
- Francoren 1936ko altxamendu faxistaren ondorioz hildako zumaiarrak omenduko dituzte abenduaren 16an 2023/12/06
- Banatu dituzte Julene Azpeitia ipuin lehiaketako 36. edizioko sariak 2023/12/01
- GAITU proiektua bultzatzeko deia egin du Zumaiako Udalak ere 2023/11/28