Goiko Plazako aldaketen inguruko bilera irekia izango da maiatzaren 8an
Bilera Alde Zaharreko bizilagunei zein zumaiar guztiei zuzenduta dago, eta, helburua da Goiko Plazan egin diren eta egingo diren aldaketen inguruko azalpenak ematea, bizilagunen kezka eta iritziak jasotzearekin batera. Saioa maiatzaren 8an (asteazkena) izango da, 19:00etan udaletxeko pleno aretoan.
Zumaiako Udalak bilera ireki baterako deia egin du, Goiko plazan egin berri diren eta egingo diren aldaketen inguruan aritzeko. Aldaketa horiek birmoldaketa-prozesu batetik abiatzen dira, inguru honen plaza-izaera berreskuratzera bideratua. Helburu nagusia da oinezkoei lehentasuna ematea eta inguruan ibiltzen direnei eta erosketak egiten dituztenei erosotasuna ematea.
Hala ere, aldaketa horiek kezka eta ezinegona sortu dute zenbait bizilagunen artean, aparkalekuak kentzearen ondorioz. Birmoldaketaren inguruko azalpenak eta arrazoiak agertzeko, bilera irekia egingo du Zumaiako Udalak maiatzaren 8an (asteazkena). Bilerak espazio bat eskainiko du egindako aldaketei buruz eztabaidatzeko eta ikuspuntuak partekatzeko, izan Alde Zaharreko bizilagunenak zein gainontzeko herritarrenak. Interesa duten herritar guztiei parte hartzera eta beren ideia eta iritziekin laguntzera animatu nahi ditu Udalak.
Herritarrekin bilera irekia: GOIKO PLAZAKO ALDAKETAK
- Data: Maiatzak 8, asteazkena (2024/05/08)
- Ordua: 19:00
- Lekua: Udaletxeko pleno aretoa
Albiste erlazionatuak
Hirigintza
- Txomin Agirre kaiko bidegorria konpontzeko lanak amaituta 2024/07/15
- Txomin Agirre kaiko bidegorria konponduko du Udalak aste honetan 2024/07/08
- Zumaiako Herri Eskolako Aita Mari eraikineko lehen solairua eraberritzeko lanak martxan 2024/06/05
- Erribera kaleko irisgarritasuna hobetzeko lanak martxan 2024/05/31
Trafikoa
- Sanpedroak direla-eta kontutan hartu beharrekoak: su artifizialak, aparkalekuak eta bestelakoak 2024/06/27
- Lurraldebusen autobusak ez dira Txomin Agirre kaian sartuko ostegunetik aurrera, uda sasoi guztian 2024/06/26
- Mugikortasunaren inguruko inkesta betetzeko azken egunak 2024/06/04
- Zumaia inguruko trafikoan aldaketak izango dira larunbatean, Zarauzko Triatloia dela-eta 2024/06/04