Makinak martxan Larretxon: hasi dituzte Itzurunbideko igogailua egiteko lanak

Itzurunbideko igogailua eraikitzeko obrak martxan daude dagoeneko. Igogailuak Itzurunbidea pasealekua eta Larretxo auzunea lotuko ditu, eta helburua da herritarren mugikortasuna eta auzune horretako irisgarritasuna hobetzea. Zumaiako Udalak 671.298 euroko inbertsioa egingo du lan hauetarako, eta Construcciones Urdinberri, S.L. enpresa arduratuko da obra egiteaz. Eraikuntza lanak hasi dituzte dagoeneko, eta zortzi hilabeteko epean amaitzea aurreikusten da.

Igogailu berriak hiru geldiune izango ditu: Itzurunbidea pasealekua, erdialdeko belargunea eta Larretxoko goialdeko pasabidean. Proiektuan jasotzen denez, egitura honek ibilbide irisgarria bermatuko du, eremuaren topografia kontuan hartuta. Gainera, lehen eta bigarren pisuko geldiaren eremuak txukunduko ditu Udalak.

Espero baino gehiago luzatu da igogailu hau egiteko prozesua. Hasiera batean aurkeztutako proiektuetan hobekuntzak txertatu behar izan ziren lehenengo, bizilagunen ekarpenak entzun ondoren. Gainera, lehenengo deialdia hutsik gelditu ondoren, Udalak proiektuaren aurrekontua igota, bigarren deialdi bat argitaratu behar izan zuen.

Bizilagunentzat oharra:

Obrek irauten duten bitartean, igogailua egingo den inguruneko zenbait aparkaleku deuseztatuta egongo dira, obra egiteko beharrezko materiala eta egiturak gordetzeko.

Albiste erlazionatuak