Zabaldu berri da euskara ikasteko dirulaguntzak eskatzeko epea
Helduentzako euskalduntze eta alfabetatze ikastaroak egiten dituzten zumaiarrak izango dira dirulaguntzen onuradun, eta diruz lagunduko dira ohiko ikastaroak, trinkoak eta barnetegietakoak eta autoikaskuntza bidez egindakoak.
Zumaiako Udalaren Euskara Zerbitzuak zabaldu berri du euskara ikasteko dirulaguntzak eskatzeko epea, eta irailaren 29an amaituko da. Helduentzako euskalduntze eta alfabetatze ikastaroak egiten dituzten zumaiarrak izango dira dirulaguntzen onuradun, eta diruz lagunduko dira ohiko ikastaroak, trinkoak eta barnetegietakoak eta autoikaskuntza bidez egindakoak. Ezinbestekoa izango da honako baldintza hauek betetzea:
-
Zumaian erroldatuta egotea
-
Gutxienez, % 80ko asistentzia edo aprobetxamendua egiaztatzea
Baldintza horiek betez gero, langabeen kasuan, matrikularen % 100 eskuratu ahal izango dute ikastaro guztietan. Gainerako ikasleei gehienez % 75 ordainduko zaie.
> Oinarriak
2021/2022 ikasturtean HABEren mailaren bat ikasi eta maila hori gainditzen edo egiaztatzen duten ikasleek HABEk 2022. urtean egingo duen dirulaguntzetarako deialdian parte hartu beharko dute; izan ere, A1-A2-B1-B2 maila ikasi eta egiaztatu dutenei –azterketa bidez edo euskaltegian atalasearen gaineko proba gaindituta– HABEren laguntza dagokie hasiera batean, ez Udalarena. Nolanahi ere, badaezpada Udalarena ere eska lezakete, baldin aurrez HABEkoa eskatua badute.
Iaz B1 eta B2 atalasearen gaineko proba gainditu (azterketa ez) eta 2021eko deialdian HABEren laguntza jaso zutenek ezingo dute aurten maila bereko azterketa gainditzeagatik laguntza eskatu. Kasu horietan Udalaren laguntza osorik jasotzeko eskubidea izango dute.
C1 maila ikasi eta gainditu dutenei dagokienez, HABEren aldetik 150 € jasoko dituzte 30 urtetik gora badituzte, eta Zumaiako Udalaren dirulaguntza HABEk emandakoaren osagarria izango da. 30 urtetik beherakoentzat, berriz, 700 €-ra bitarteko laguntzak emango ditu HABEk, eta Udalak ez die laguntzarik emango, hasiera batean.
C2 maila ikasi eta gainditu dutenei dagokienez, HABEren aldetik 100 € jasotzeko eskubidea izango dute, eta kasu horretan ere Zumaiako Udalaren dirulaguntza HABEk emandakoaren osagarria izango da.
Udalak gehienez 600 € ordainduko ditu urritik ekainerako ikastaroetan eta gehienez 200 € uztailetik irailera bitartekoetan.
Aurkeztu beharreko dokumentazioa:
-
Ikastaroa ordaindu izanaren egiaztagiria
-
Asistentzia % 80tik gorakoa izan dela ziurtatzen duen agiria, euskaltegiak edo ikasketa zentroak berak emana.
-
Hirugarrenen alta emateko agiria (baldin eta aurrez aurkeztu ez bada edota aurreko kontua aldatu bada)
-
HABEren dirulaguntzen 2022ko deialdian eskaera aurkeztu izanaren agiria (maila egiaztatu edo dagokion atalasea gainditu duten ikasleek bakarrik).
Nola aurkeztu eskaera?
Eskaerak udaletxean Herritarren Arretarako Zerbitzuan aurkez daitezke edota telematikoki zumaia.eus guneko egoitza elektronikoan. Horretarako epea irailaren 29an amaituko da.
Deialdia osorik eta agiri guztiak Udalaren DIRULAGUNTZAK atalean. Zalantzak argitzeko aukera dago Euskara Zerbitzuaren harremanetan jartzeko (943865025-109 edo euskaratxanpan@zumaia.eus)
> Argibide gehiago hemen
HABEren laguntzak eskatzeko epea urriaren 7an amaituko da, eta azken bi ikasturteetako gastuak aintzat hartzen dituzte (iazko Udalarena osatzeko aukera dute ikasleek, baldin % 100 jaso ez bazuten).
Albiste erlazionatuak
Euskara
- Aurten ere egin errenta aitorpena euskaraz 2024/04/02
- Ohiko osoko bilkura egingo dute ostegun honetan 2024/03/19
- Zumaiako haurren hizkuntza ohiturak, adimen artifiziala eta kirol mundua izango dituzte hizketagai 'Euskara, bestela ez gara' hitzaldi zikloan 2024/02/02
- Iñaki Beobide Agirrezabalaga, gugan bego 2024/01/16
Ikastaroak
- Eskola-kiroleko monitore laguntzaile izateko ikastaroko izen-ematea ostiral honetan itxiko da 2024/03/04
- Urtarrilaren 31n hasiko da ‘Zaindu Urola Kosta’ prestakuntza programaren teleformazioa 2024/01/16
- Geoparkean gidari izateko trebakuntza ikastaroa eskainiko du Euskal Kostaldeko Geoparkeak 2024/01/15
- Zaintzaileei eta zainduen familiartekoei zuzendutako ikastaroak eskainiko ditu UKUEk azaroan eta abenduan 2023/11/21
Dirulaguntzak
- Herriko jaietan ekitaldiak antolatzeko dirulaguntzak eskatzeko epea zabalik 2024/03/06
- Zabalik dago kirol arloko elkarte eta taldeei zuzendutako dirulaguntzak eskatzeko epea 2024/03/05
- Ostegunean amaituko da kultura eta artearen alorreko sormen bekarako proposamenak aurkezteko epea 2023/10/30
- Merkataritza lokalak ekintzaile berrien bitartez berreskuratzeko dirulaguntza deialdia argitaratu du Zumaiako Udalak 2023/10/27
Zumaia bizitzeko da
- Sanpedroetako artisau azokan parte hartzeko deia zumaiarrei 2024/04/18
- Padel txapelketa mistoa jokatuko da Zumaian maiatzean eta ekainean zehar 2024/04/17
- Udal eraikinen garbitzaile bat aldi baterako kontratatzeko eta lan poltsa osatzeko prozesua hasi du Udalak, Lanbideren bitartez 2024/04/17
- 'Egin arraunean gurekin!' crowfunding kanpaina martxan, traineru berria erosteko 2024/04/12