Askotariko dantza estiloak eta adin guztietako herritarrentzako ekintzak, Maiatza Dantzan programaren barruan
Maiatzaren 20an Dantzari Eguna izango da Zumaian, eta egun osoko egitarauaz gozatu ahal izango dute herritarrek. Hilabete osoan zehar, tailerrak eta ikuskizunak ere izango dira.
Maiatza dantzaren hilabetea izaten da Zumaian. Herriko festak amaitu berritan, Zumaiak dantzan jarraituko du hilabete osoan zehar. Hamabigarrenez, Astindu dantza elkarteak eta Zumaiako Udalak elkarlanean ekitaldi ugari antolatu dituzte hilabete osorako. Aurten, gainera, herriko dantza akademiak izan dituzte lagun. Datorren astelehenean (maiatzaren 1ean) hasiko da dantzaren hilabetea, bollywood tailer irekiarekin ―tailerra 10:30ean izango da, Torreberrin―.
Hurrengo ekitaldia hilaren 6an (larunbata) izango da. 60 urtetik gorako herritarrei zuzendutako dantza tailerra egingo dute Eusebio Gurrutxaga plazan, 18:00etatik aurrera. Maiatzaren 13an (larunbata) jarraituko du programak: herrian lantzen diren Dantzara! ikuskizuna eskainiko dute akademietako irakasle eta ikasleek. Haurrek ere izango dute beraientzako tarte propioa; izan ere, maiatzaren 14an (igandea) haurrentzako diskoteka izango da Kofradian, Jon Urbietaren eskutik.
Egun handia maiatzaren 20a (larunbata) izango da. Eguerdiko 12:30ean, Zutrik taldearen erritmoan dantza-kalejira izango da Erribera kalean zehar; 18:30ean jarraituko dute festarekin, plazadantzekin; azkenik, 19:30ean, Trikidantz taldearen erromeria izango da Amaia plazan.
Maiatzaren 27an (larunbata) itxiko dute Maiatza Dantzan programa, Astindu dantza elkartearen egunarekin. Elkarteko bazkideek dantza tailerra egingo dute, eta, ondoren, elkarrekin bazkalduko dute.
Albiste erlazionatuak
Kultura
- 40 urtetako ibilbidea gogoan, ekitaldi bereziz beteta dator Zumaiako Musika Jaialdia 2024/07/24
- Abian da Julene Azpeitia literatur lehiaketa 2024/07/08
- Montserrat Roig idazle katalanaren 'Gerezi-denbora' eleberriarekin hasiko du ikasturtea Irakurri Matte irakurle taldeak 2024/07/03
- Aita Mari antzokia itxita egongo da ekainaren 21etik uztailaren 9ra 2024/06/20
Parte hartzea
Zumaia bizitzeko da
- 40 urtetako ibilbidea gogoan, ekitaldi bereziz beteta dator Zumaiako Musika Jaialdia 2024/07/24
- Txomin Agirre kaiko bidegorria konpontzeko lanak amaituta 2024/07/15
- Txomin Agirre kaiko bidegorria konponduko du Udalak aste honetan 2024/07/08
- Zumaiako gazte ekimenak diruz laguntzeko deialdia zabalik 2024/07/08