Azken 20 urteetan kaleko pintura lehiaketan saritutako margolanak herriko dendetan ikusgai
Apirilaren 30etik maiatzaren 23ra bitartean 30 margolanen erreprodukzioak ikusi ahal izango dira herriko denden erakusleihoetan. Erakusketa amaitzean lan horiek bezeroen artean zozkatuko dituzte.
1998an egin zen lehenengoz kaleko pintura lehiaketa Zumaian. Ordutik hamarnaka herritarrek hartu dute parte sariketan, eta lan ugari jaso dira. Horietako asko ikusi ahal izango dira datozen egunotan Zumaiako dendetako erakusleihoetan.
Iaz, egoerak hala behartuta, ezin izan zen urteroko lehiaketa egin, eta aurtengoan sariketari indarrez heldu nahi dio Udalak, herritarren parte hartzea sustatzeko. Horretarako, azken 20 urtetan jasotako lanetatik 30 margolan aukeratu, eta horien erreprodukzioak prestatu ditu, herriko dendetako erakuslehioetan jarrita kale erakusketa sortzeko.
Apirilaren 30etik maiatzaren 23ra bitartean egongo dira ikusgai lan horiek, eta erakusketa amaitzean komertzioetako bezeroen artean zozkatuko dituzte margolanen erreprodukzioak. Herriko dendariekin lankidetzan antolatu du Udalak erakusketa.
Beroketa lanak eginda, aurtengo Kaleko Pintura Lehiaketa maiatzaren 23an egingo da. Laster argitaratuko dituzte oinarriak.
Albiste erlazionatuak
Erakusketak
Merkataritza
- Dendari, tabernari eta elkarte gastronomikoetako kideekin bilduko da Egutera energia kooperatiba ostegun honetan 2024/06/11
- Erribera kaleko zamalanen ordutegia doitu egin da ikasleen segurtasunari lehentasuna emateko 2024/05/10
- 1.000 erosketa bono jaulkiko dituzte Udalak eta Gertu elkarteak, udaberriarekin batera herriko saltokiak loratzeko 2024/05/08
- Ostegunetako kinkilleroen azoka Eusebio Gurrutxaga plazan egingo dute aurrerantzean 2024/01/09
Zumaia bizitzeko da
Kultura
- Abian da Julene Azpeitia literatur lehiaketa 2024/07/08
- Montserrat Roig idazle katalanaren 'Gerezi-denbora' eleberriarekin hasiko du ikasturtea Irakurri Matte irakurle taldeak 2024/07/03
- Aita Mari antzokia itxita egongo da ekainaren 21etik uztailaren 9ra 2024/06/20
- Sanpedroak ate joka, aurtengoan, berrikuntzekin 2024/06/19