Dena prest santelmoetarako!

Hiru aste baino gutxiago falta dira Zumaian festa lehertzeko. Kofradian ateratako talde argazki handi batekin aurkeztu dute 2025eko San Telmo jaietako egitaraua. Zumaiako Udalak herriko elkarteekin batera antolatu du aurtengo egitaraua, eta horiekin batera eman du xehetasun guztien berri. Ekitaldi horiek guztien antolaketan "ezinbestekoak" izan dira herriko elkarteak, eta Zumaiako Udalak eskerrak eman dizkie festen prestaketan parte hartzen duten herritar eta elkarte guztiei. 

Beste urte batez, bi asteburuz, musikaz, dantzaz eta giro onez beteko da herria. Ohi bezala, larunbatean izango da txupinazioa, baina festetako egitaraua ostiraletik hasiko da. Bertso saioak, kontzertuak, batukada eta txarangak, haurrentzako ekitaldiak, dantzaldiak, danborradak, kirol probak, herri bazkariak... asko izango dira festetan izango diren ekitaldiak.

Festez gozatu, arduraz jokatu

Festak guztiontzako espazio atsegin eta seguruak izan daitezen, eraso eta jarrera matxisten aurkako jarrera hartzera deitu nahi ditu Udalak herritarrak. Ildo horretan, gauero eraso matxisten aurkako gunea izango da Kofradian festa-gauetan. Honen inguruko xehetasunak aurkezteko agerraldia egingo dute ostegun honetan.

Horrez gain, kontsumo arduratsurako deia egin die herritar guztiei. Herriko nerabeekin lanketa egiteko, bi larunbatetan Ai Laket! elkarteko hezitzaileak egongo dira Zumaiako kaleetan.

Horrela, Zumaiako Udalak eta herriko eragileek arduraz jokatuz eta elkartasunez festez gozatzeko deia egin diete zumaiar guztiei.

Pilota partida lehenengo igandean

Santelmoetan goi-mailako pilota partidak izango ditugu herrian. San Telmo bezperan, apirilaren 27an, bi partida izango dira: batean, buruz buruko txapelketa nagusian, final-laudenetako ligaxkako bigarren jardunaldian, Peio Etxeberriak Iñaki Artola edo Aitor Elordi izango du kontrario. Binakako partidan, Ezkurdia-Zabaleta ariko dira batetik, eta Peña II.a-Mariezkurrena, bestetik.

Jaialdi honetarako sarrerak ere salgai daude, beste webgune honetan: https://entradasfronton.com/.

Sarrerak 25€ eta 30€ balio dute.

---

Santelmoak 2025 | Egitaraua

APIRILAK 25, OSTIRALA

18:00 Odieta frontoia, pala egokitua bikoteka, GKS eta IAk antolatuta

19:30 Kofradia, Euskaraldiaren aurkezpena eta kalejira dantzatua

21:00 Txosnagunea, DJ gaua: Arsenike, KIKA 1000, Luji eta Goiko

22:00 Zumaiena, bertso jaialdia: Maialen Lujanbio, Aner Peritz, Aroa Arrizubieta, Beñat Gaztelumendi, Aitor Mendiluze eta Nerea Elustondo. Gai-jartzailea: Jon Maia

APIRILAK 26, LARUNBATA

11:00 Udal Txistulari Bandaren kalejira

12:00 San Telmo ermita, txupinazoa jaiei hasiera emateko

Jarraian jaitsiera Musika Eskolako trikitilariek lagunduta

Ondoren hamaiketakoa, Itxas Gain elkarteak antolatuta. Tartea

alaitzeko, trikitilariak eta Bertso Eskolako ikasleak

12:30 Zumai txaranga kalejiran eta trikitilariak herrian zehar

12:45 Ondartxo, euskal dantzak Musika Eskolako haurren eskutik. Euria eginez gero, Zumaiena aretoan

13:30 Kofradia, Zumaiako Arku Dantza eta Zahagi Dantza

14:30 Herri eskolako frontoia, gazte bazkaria

Bazkalondoan Hamarru elektrotxaranga kalejiran, Gazte Asanbladak antolatuta

17:00 Odieta, haur jolasak Kulkiren industriaren herri kirolak

18:00 Ustekabe txaranga kalejiran

21:30 Torreberri, DJ saioa: Rodeo eta Murxi, GKS eta IAk antolatuta

22:30 Txosnagunea, Gazte Eguna Kontzertuak: Bloñ-, Lukiek eta Chuleria, Joder!

22:30 Kofradia, dantzaldia Bide Batez

APIRILAK 27, IGANDEA

08:00 Goiz soinua Joselontxos txarangarekin

11:00-13:30 Oxford aretoa, santelmoetako XXII. Scalextric torneoa

11:30 Hamaiketakoa herriko arrantzale zaharrentzat, Arbustain Motor Elkarteak antolatuta

12:00 Trikiti kalejira Trikitxas bikotearekin

12:00 Sagarbide ikastetxetik irtenda, haurren danborrada

12:30 Joselontxos txarangaren saioa

13:20 Eusebio Gurrutxaga plaza, Batukada Feminista Sarea

16:30-19:00 Oxford aretoa, santelmoetako XXII. Scalextric torneoa

17:00 Udaletxetik irtenda, buruhandi eta erraldoiak Udal Txistulari Bandarekin

Jarraian Torreberri, antzerkia Kalean otso, etxean uso, Patata Tropikala Antzerki Laborategia

17:15 Aitzuri pilotalekua, esku pilota partida profesionalak

18:30 Joselontxos txarangaren kalejira

18:30 Txosnagunea, Muxiko ikastaroa

19:00 Trikitxas bikotearekin trikiti kalejira

22:00 Txosnagunea, DJ saioa: Jo Ta Txo

22:15 Danborrada berezia

22:30 Kofradia, dantzaldia: Sukar

Gauerdian Kofradia, bandera igotzea Jose Antonio Urreisti arrantzale

ohiaren eskutik. Txapel oroigarria oparituko dio Arbustain Motor Elkarteak

Jarraian Kofradia, berbena Sukar taldearekin

APIRILAK 28, ASTELEHENA: San Telmo eguna

10:15 Ohiturazko prozesioa San Telmo ermitara

10:30 Meza Nagusia, itsasoaren aurrean otoitza eta parrokiara itzulera. San Telmoren erlikia gurtzea

Ondoren, gonbidatuei hamaiketakoa eskainiko zaie

11:30-14:00 Odieta, puzgarriak

12:30 Incansables txarangarekin kalejira

16:30-19:00 Odieta, puzgarriak

18:00 Kofradia, plaza dantzak eta gehiago

18:00 Aitzuri pilotalekua, zesta-punta jaialdi profesionala. Gizonezko eta emakumezkoen finala

18:30 Incansables txarangarekin kalejira

19:30-22:30 Kofradia, dantzaldia Lotxo taldearekin

MAIATZAK 2, OSTIRALA

12:00 Txosnagunea, Lierniren omenezko patata tortila txapelketa

17:00 Eusebio Gurrutxaga plaza, Igel-toka eta Pote txapelketa irekia, 12-16 urte.

Ondoren, +16 urte. Beheko Plaza elkarteak antolatuta

19:30 Amaia plaza, irrintzi txapelketa eta poteo feminista

19:30 Oxford aretoa, Bertsofesta

21:00 Txosnagunea, Bertsio Gaua

21:30 Torreberri, DJ saioa: Guija, Loti eta Huegun, GKS eta IAk antolatuta

MAIATZAK 3, LARUNBATA

10:00 Aita Mari II. Bela Estropada

10:00 Eusebio Gurrutxaga plaza, XXV. Olagarro-zopa lehiaketa

Ekitaldia alaitzeko trikitilariak Elustondo anai-arrebak

11:00- 14:00 Eusebio Gurrutxaga plaza, Bizijolas jolasak eta tailerrak

12:30 Iraunkorrak txarangarekin kalejira

14:00 Arranpla, Elkartasun Argazkia

14:30 Txosnagunea, bazkaria

Ordu berean Torreberri, ikasle eta gazte bazkaria, GKS eta IAk antolatuta

Bazkalostean, Zumaiako Karropoteoa, GKS eta IAk antolatuta

17:30 Herriko txaranga eta Pello eta Nikolasa erraldoiekin kalejira

18:00 Odieta, Herri-kirol ikuskizuna

18:30 Iraunkorrak txarangarekin kalejira

21:30 Torreberri, kontzertuak: Kaparrak eta Rekiem, GKS eta IAk antolatuta

22:00-01:00 Kofradia, diskoteka DJ Davila

22:30 Txosnagunea, kontzertuak: Bikabi, Marte Lasarte eta Malakias MX3

MAIATZAK 4, IGANDEA

08:00 Goiz soinua Zumai txarangarekin

11:00 Eskola kiroleko piraguismo estropada

12:00 Itzurun hondartza, zaldi lasterketa

12:00 Sutan txarangaren kalejira

17:00 Torreberri, haur antzerkia Ai, Zapotxin! Baratxuri zoparen sekretua

17:00 Saregile plaza, Zumaiako Herri Eskolako irakasle eta gurasoen taloen postua

17:30 Trainerillen estropadak, XL. San Telmo saria (gizonezkoak) eta XI. San Telmo saria (emakumezkoak)

18:00 Sutan txarangaren kalejira

19:00 Eusebio Gurrutxaga plaza, Babarrunba taldearekin kalejira

22:00 Kofradia, Joselu Anaiak taldearekin erromeria

Gauerdian bandera jaistea eta santelmoei agurra

Albiste erlazionatuak