'Eterna' dokumentala eta Mejillon Tigreren poesia emanaldia, ostiralean Zumaian
Otsailaren 23rako festa antolatu dute Zumaiako Mugimendu Feministak eta MEFSST! kolektiboak. Ekitaldi guztiak doakoak izango dira.
Ostiral honetan, otsailaren 23an, kulturaz eta feminismoaz gozatzeko aukera izango dugu herrian. Izan ere, Zumaiako Mugimendu Feministak eta MEFSST! kolektiboak iluntze-gau alderako egitarau borobila prestatu dute: 20:00etan Gata Cattana rap abeslariari buruzko Eterna dokumentala emango dute Aita Mari zineman; beranduago, 22:30ean Eider Adeletxe eta Ane Zubeldiak osatzen duten Mejillon Tigre poesia taldearen emanaldia izango da Torreberri Gaztetxean; DJ Balklavaren musika ikuskizunarekin amaituko dute gaua.
Ekitaldi guztiak doakoak izango dira, eta, jakinarazi dutenez, zine emanaldiaren eta poesia errezitaldiaren artean jan-edana eskainiko dute Torreberri Gaztetxean, borondatearen truke.
Larunbatean, Zarautzen
Zumaian hasitako jaialdiak jarraipena izango du larunbatean, Zarautzen. Porrusalda ta martxea! lelopean musika jaialdia egingo dute Hiruputzu Gaztetxean: Lisamina, Zetkin, Itzek eta Eromena DJ ariko dira oholtza gainean 20:30etik aurrera. Lehenago, 18:00etan, Ainara Legardonek 'Adimen artifiziala eta bere eragina musika sektorean hitzaldia emango du leku berean.
Punk eta hardcore kontzertuetan emakumeek presentzia eskasa zutela ikusita, eragiteko gogotik sortu zen 2012an MEFSST! Musika Errebolta Kolektiboa. Geroztik urtero antolatu dute jaialdia Zarautzen. “Gehienbat emakume, bollera eta transez osatutako taldeekin antolatu dugu, eta, horrez gainera, hainbat gai landu ditugu tailer, mahai-inguru eta film emanaldietan”, diote antolatzaileek.
Albiste erlazionatuak
Kultura
- Kaleko pintura lehiaketak Zumaiako txokoak hartuko ditu maiatzaren 12an 2024/04/23
- Sanpedroetako artisau azokan parte hartzeko deia zumaiarrei 2024/04/18
- Hemen da Martxoaren 8a, berriro ere ekitaldiz eta aldarrikapenez beteta 2024/03/07
- Herriko jaietan ekitaldiak antolatzeko dirulaguntzak eskatzeko epea zabalik 2024/03/06
Feminismoa
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- Martxoaren 8ko bizipenak partekatzeko saio irekia, gaur arratsaldean Emakumeon* Etxean 2024/03/13
- Zumaiako Udalaren adierazpena, Martxoaren 8an 2024/03/08
- Hemen da Martxoaren 8a, berriro ere ekitaldiz eta aldarrikapenez beteta 2024/03/07
Zumaia bizitzeko da
- Kaleko pintura lehiaketak Zumaiako txokoak hartuko ditu maiatzaren 12an 2024/04/23
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- Bi markagailu berri kiroldegiko pistan 2024/04/19
- Sanpedroetako artisau azokan parte hartzeko deia zumaiarrei 2024/04/18