Euskara menperatzen duten zumaiarrak behar dira 'Mintzalagun' programarako

Euskara ondo menperatzen duten herritarrei dei egin diete, euskaraz aritzeko zailtasunak dituztenei lagun diezaieten. Azaldu dutenez, goizez elkartu daitekeen mintzapraktika talde bat bidelagunen faltan dago.

Mintzataldeak 5-6 laguneko taldeak izaten dira, eta astean behin ordubetez elkartu ohi dira, lagun giroan euskaraz aritzeko. Euskara ikasi nahi dutenek eta euskara ikasten lagundu nahi duten guztiek urteko edozein momentutan eman dezakete izena programan, eta saioak aurrez aurre edo online egin daitezke.

Mintzalagun programak euskara menperatzen duten pertsonak (bidelagunak) euskara praktikatu nahi dutenekin (bidelariak) elkartzen ditu astean ordebetez euskaraz hitz egin dezatenez. Programa honi esker, bidelariak (euskara ikasten ari denak) euskaraz hitz egiteko, bertako hizkera ezagutu eta ikasteko, jendea ezagutzeko eta euskaraz aritzeko harreman-sarea zabaltzeko aukera du. Bidelagunen kasuan (euskara menperatzen dutenak), euskara ikasten ari direnei laguntzen die, bertako hizkera erakutsiz eta egiten ari diren ahalegina aitortuz.

Argibideak eta izen-ematea:

• Zumaiako Udala: euskara@zumaia.eus

• Urola Kostako AEK: urolakosta@aek.eus

• 625 485 215

Informazio gehiago:

• Webgunea

• Facebookeko orrialdea

Albiste erlazionatuak