Euskara Saileko dirulaguntzen deialdia irailean egingo da

2022/06/24

Azken urteotan ekainean egin izan dira euskara alorreko dirulaguntzen deialdiak, euskarazko errotuluak eta euskara ikastaroak diruz laguntzeko. Aurten, ordea, oinarriak eguneratu behar izan dira aurrez –ekaineko bilkuran eman zaie hasierako onarpena–, eta deialdia irailean izango dela aurreikusi dute arduradunek.

Aurrekoetan bi deialdi egin izan dira euskara ikastaroentzat, bigarrena urrian, udan egindako ikastaroei zuzendutakoa. Aurten, berriz, deialdi bakarrean aurkeztu beharko dira biak, bai urritik ekainerako ikastaroenak, bai uztailetik irailera artekoenak. Iaz bezala, azterketa edo probaren bat gainditu dutenek eta HABEren laguntza eskatzeko eskubidea dutenek, nahitaez hala egin beharko dute, Udalaren laguntzak haien osagarriak izango direlako.

Errotuluei dagokienez, 2022an euskaraz jarritako errotulu eta toldoak lagunduko dira diruz, gastuaren % 50 ordainduta eta gehienez 300 €. Irailean egingo da deialdia eta azaroaren 30era arteko epea egongo da eskaerak aurkezteko.



Euskara Saileko dirulaguntzen deialdia irailean egingo da
Euskarazko errotuluak jartzea eta euskara ikastaroak diruz laguntzen ditu Zumaiako Udalak.

Albiste erlazionatuak

Euskara

Merkataritza

Zumaia bizitzeko da

Dirulaguntzak