Gazteguneak irailaren 24an zabalduko ditu ateak
Asteburu honetan DBH1eko nerabeei zuzendutako harrera saioak izango dira, eta gainontzeko erabiltzaileek irailaren 24tik aurrera joan ahal izango dute Gaztegunera. Hezitzaileek nerabeekin batera hausnartu dute funtzionamendu berriaren inguruan.
Gazteguneko hezitzaile eta nerabeak ere prest daude ikasturte berriari ekiteko. Covid-19ak sortu duen egoera kontutan hartuta, ohiko funtzionamendua aldatu beharko dute aurten behintzat.
Hezitzaileek Gazteguneko nerabeekin batera landu eta adostu dituzte funtzionamendu berria eta bete beharreko neurriak. Iritzi desberdin ugari jaso dituzte hezitzaileek, eta hasiera batean behintzat, erabilera librea emango diote Gazteguneari; nerabeen “tendentzia eta ohiturak kontutan hartuta” egingo dituzte funtzionamenduren aldaketak.
Asteburu honetan (irailaren 18an, 19an eta 20an) DBH1eko nerabeei zuzendutako harrera saioak egingo dituzte, eta datorren ostegunean, hilaren 24an, nerabe guztiek erabili ahal izango dute Gaztegunea, adostutako neurriak betez.
Prebentzio neurriak eta konpromiso orria
Gazteguneko hezitzaileek COVID-19aren hedapena ekiditeko hartu beharreko neurriak bermatzeko ahalegina egingo dute, baina guztiek hainbat neurri errespetatzearen garrantzia nabarmendu dute. Honakoak dira bete beharreko arauak:
-
Azken 14 egunetan COVID-19aren sintomarik izanez gero, ezin izango da zerbitzua erabili
-
Gaztegunera joan aurretik, etxean tenperatura hartzea gomendatzen da
-
Gaztegunean uneoro maskara jantzita eduki beharko da
Halaber, ohiko izen-ematearekin batera, konpromiso orri bat sinatu beharko dute nerabeen guraso edo tutoreek.
Albiste erlazionatuak
Gazteak
- Udaberria bero iritsi da Zumaiara, adin guztietako herritarrentzako ekitaldi askorekin 2024/04/30
- Haur eta nerabeei zuzendutako txangoak antolatu dituzte udaberriko oporretarako 2024/03/04
- Ate ireki saioak Gaztegunean 2023/08/31
- Nerabeei zuzendutako jarduerak eta txangoak egingo dituzte uztailean 2023/06/05
Zumaia bizitzeko da
- Mugikortasun Jasangarrirako Plana egiteko prozesua abiatu du Udalak, eta inkesta bat zabaldu die herritarrei 2024/05/09
- Zaintza sektoreari loturiko sentsibilizazio jardunaldiak izango dira maiatzaren 22an eta 23an Zumaian 2024/05/09
- Gizarte zerbitzuen alorrean lan egiten duten elkarteei zuzendutako dirulaguntzak eskatzeko epea zabalik 2024/05/09
- 1.000 erosketa bono jaulkiko dituzte Udalak eta Gertu elkarteak, udaberriarekin batera herriko saltokiak loratzeko 2024/05/08
Gaztegunea
- Haur eta nerabeei zuzendutako txangoak antolatu dituzte udaberriko oporretarako 2024/03/04
- Haur eta nerabeei zuzendutako txangoak eta ekintzak antolatu dituzte neguko oporretarako 2023/12/06
- Ate ireki saioak Gaztegunean 2023/08/31
- Nerabeei zuzendutako jarduerak eta txangoak egingo dituzte uztailean 2023/06/05