Nerabeentzako jarduera ugari izango dira uda honetan ere

Aurten Kale Heziketa Programak eta Gazteguneak programazio bateratua antolatu dute udarara begira. Helburuak dira bi zerbitzuotako gazteak elkar ezagutzea, eta, herri mailan udal zerbitzu hauei ikusgarritasuna ematea.

Honakoak dira elkarlanean antolatu dituzten ekintzak:

• Giza futbolina (Zumaia): ekainak 25, asteartea

• Surf (Zarautz): uztailak 9, asteartea

• Egunpasa eta jolasak (Orio): uztailak 16, asteartea

Gazteguneak, gainera, programazio propioa ere izango du. Ohiko programazioaz gain, hainbat txango eta jarduera egingo dituzte:

• Hernaniko igerilekura egun pasa (Hernani): ekainak 26, astelehena.
• Zarautzeko portura egunpasa: uztailak 6, osteguna.
• Paddle (Zumaia): uztailak 13, osteguna.
• Gaztegunean bazkaria: uztailak 20, ostirala.
• Arbolismoa (Otxandio): uztailak 21, osteguna.
  
  OHARRA: Bakoitzean 24 nerabek parte hartu ahal izango dute, eta, beharrezkoa izatekotan zozketa bidez banatuko dituzte plazak. Edonola ere, aurreko oporraldietako ekintzetara joateko aukerarik izan ez zuten gazteek izago dute lehentasuna. 

Aldaketaren bat egonez gero, Instagrameko kontuan (@gaztetxola) argitaratuko dute, eta nerabeei Whatsapp bidez ere jakinaraziko diete.

Izen-ematea

Plaza kopurua mugatua izanik, antolatutako jardueretan parte hartzeko beharrezkoa izango da aurrez izena ematea, beranduenez ekainaren 14an (ostirala). Norbaitek azken momentuan txangoan edo jardueran parte hartu ezin badu, aurrez abisatu beharko du, beste nerabeek parte hartzeko aukera izan dezaten. Horretarako telefono hauetako batera deitu beharko da: 688612940 eta 633467132 (Gaztegunea); 688850239 (Kale Heziketa Programa).

Albiste erlazionatuak