Haurrentzako tailerrak izango dira Ludotekan otsailaren 15ean eta 16an

Zumaiako haurrek otsailaren 15a eta 16a jai dituztela jakinik, Ludotekako lagunei haurrei zuzendutako bi tailer prestatu dituzte egun horietarako. Ludoteka ohiko ordutegian itxita egongo da bi egun horietan, eta tailer horiek egiteko zabalduko dute.

Otsailaren 15ean (astelehena) LH1-3 bitarteko haurrei zuzendutako 'Sortu eta jolastu' tailerra egingo dute, 10:00etatik 11:30era bitartean Ludotekan bertan. Eskulanak egin eta horiekin jolasteko aukera izango dute haurrek.

Otsailaren 16a (asteartea), berriz, LH 4-6 urte bitartekoen eguna izango da. 10:00etatik 11:30era bitartean logika jolas eta asmakizunak ebatzi bete beharko dituzte. Misterioz betetako erronka jolasa izango da honakoa.

Tailer horietan parte hartzeko derrigorrezkoa izango da maskara jantzita edukitzea. Halaber, bestelako osasun neurriak errespetatuko dira saio horietan.

Izen ematea otsailaren 8tik 10era bitartean egongo da zabalik. Ludotekara deituta, e-posta bidez idatzita edo Ludotekara bertara joanda eman daiteke izena.

Plaza kopurua mugatua izanik, Ludotekako bazkideek lehentasuna izango dute, eta beharrezkoa bada, zozketa bidez hautatuko dira partaideak. Telefono bidez jakinaraziko da emaitza.