Hemen dira 2022ko Zumaiako Inauteriak
Otsailaren 25etik 27ra bitartean mozorroen festak hartuko du Zumaia. Ohi moduan, eskoletako haurren inauteri festak eta Musika Eskolaren eta musika bandaren kalejirak irekiko du egitaraua.
Urtebeteko etenaldia eta gero, otsaileko azken asteburuan inauteriak ospatuko dira Zumaian. Mozorro festa, kalejira eta lehiaketak izango dira, eta ohi moduan, otsailaren 28an (astelehena), Pirritx, Porrotx eta Marimototsen bisita izango dugu herrian.
Ostiralean (otsailak 25) hasiko dira Zumaiako inauteriak. Arratsaldean, ohi bezala, herriko eskoletako haurren inauteri festa izango da. 18:00etatik aurrera, Txori Txiki Musika eta Dantza Eskolak eta ZUMB musika bandak eskutik Brasilgo inauteriak ekarriko dituzte Zumaiako kaleetara.
Musika Eskolako eta ZUMB bandako lagunek brasilera eramango dituzte zumaiarrak.
Larunbatean Zumai txarangak girotuko du herria, goizean eta arratsaldean. 12:30ean Astindu dantza elkartearen dantza-kalejira izango da. Arratsaldean, berriz, haurren festa eta mozorro lehiaketa izango dira Amaia plazan. Eguna amaitzeko, 19:30ean Modus Operandi musika taldeak kontzertua eskainiko du Eusebio Gurrutxaga plazan.
Igande eguerdian Jainekin txaranga izango da herriko kaleetan, eta 16:30ean haurrentzako Oltxiak zine emanaldia izango da Aita Marin.
Mozorro lehiaketak
Aurten, barrukaldean jende pilaketak saihesteko, ez da photocall-ik izango Oxford aretoan. Mozorro lehiaketa egin egingo da, ordea. Haurren kasuan, larunbatean Amaia plazan egingo den festa amaitzean banatuko dira sariak. Parte hartu nahi dutenek 17:00etan eman beharko dute izena, eta hiru sari egongo dira jokoan: banako edo bikote onenaren saria, 0-8 urte bitartekoen talde mozorro onenaren saria, eta 9-12 urte bitartekoen talde mozorro onenaren saria.
Heldu eta gazteen mozorro lehiaketan, bi sari banatuko dituzte: banako edo bikote onenaren saria, 80 eurokoa, eta taldekako mozorro onenaren saria, 200 eurokoa. Parte hartzeko argazkia e-mail bidez bidali beharko da, larunbatean bertan inauteriakzumaian@gmail.com helbidera. Argazkia jai giroan ateratakoa izan beharko da.
Albiste erlazionatuak
Zumaia bizitzeko da
- Sanpedroetako artisau azokan parte hartzeko deia zumaiarrei 2024/04/18
- Padel txapelketa mistoa jokatuko da Zumaian maiatzean eta ekainean zehar 2024/04/17
- Udal eraikinen garbitzaile bat aldi baterako kontratatzeko eta lan poltsa osatzeko prozesua hasi du Udalak, Lanbideren bitartez 2024/04/17
- 'Egin arraunean gurekin!' crowfunding kanpaina martxan, traineru berria erosteko 2024/04/12
Festak
- Sanpedroetako artisau azokan parte hartzeko deia zumaiarrei 2024/04/18
- Lurraldebus zerbitzua gehiago indartuko dute asteburu honetan, San Telmo jaiak direla-eta 2024/04/11
- Esku pilota jaialdi ikusgarria santelmoetan, igande honetan 2024/04/03
- Auzoetara eta inguruko herri txikietara itzultzeko doako taxi zerbitzua eskainiko du santelmoetan Zumaiako Udalak 2024/04/03
Kultura
- Sanpedroetako artisau azokan parte hartzeko deia zumaiarrei 2024/04/18
- Hemen da Martxoaren 8a, berriro ere ekitaldiz eta aldarrikapenez beteta 2024/03/07
- Herriko jaietan ekitaldiak antolatzeko dirulaguntzak eskatzeko epea zabalik 2024/03/06
- 'Negu hurbilak' filma asteburu honetan iritsiko da Zumaiara 2024/02/21