Hezkidetzaren inguruko online ikastaroa antolatu du Berdintasun Foroak

2020/06/09
'Hezkidetza: feminismoetan hezteko gakoak' online ikastaroa egiteko aukera izango dute herritarrek ekainaren 11tik 30era. Moodle plataformaren bidez emango du ikastaroa Daiteke elkarteak, aurrez izena emanda.

Zumaiako Berdintasun Foroak, Daiteke elkartearekin batera 'Hezkidetza: feminismoetan hezteko gakoak' online ikastaroa antolatu du. Herritar guztiei zuzendutako ikastaroan hezkidetzan jarriko dute arreta, "indarkeria matxista bezalako gaiei aurre egiteko oinarrizko tresna" izanik.

Ikastaroa herritar guztiei zuzenduta dago, eta Moodle plataformaren bidez emango dute. 10 orduko iraupena izango du kurtsoak, eta ekainaren 11tik 30era norbere erritmoa jarraituta egin ahal izango da. Ikastaroa euskaraz izango da.

Izen ematea

berdintasuna@daiteke.com

943 43 03 12