Jose Mari Razkinek irabazi du Zumaiako XXXIII. Argazki Lehiaketa, 'Argi jokoak' lanarekin
Bigarren eta hirugarren sariak Manu Barreiro eta Marcel Van Balkeni eman dizkiote, hurrenez hurren. Zumaiar onenaren saria, berriz, Soraya Lopezek jaso du. Uztailaren 23tik aurrera ikusi ahal izango dira sariketara aurkeztutako 36 argazki onenak, Oxford aretoan.
Zumaiako Udalak eta Distirak argazki lehiaketa antolatu dute beste urte batez, Joxe Juan Azkue Distira elkarteko kidearen oroimenez. Txuri beltzean egindako argazkiak aurkeztu behar izan dituzte parte hartzaileek, eta gai librean aritu behar izan dira.
Antolatzaileek nabarmendu dutenez, inoizko parte hartzerik handiena izan da aurtengoan: 150 partehartzaile aurkeztu dira sariketara, eta guztira, 582 argazki aurkeztu dituzte. Gainera, mundu osoko argazkilariek parte hartu dutela azpimarratu dute: hala nola, Alemaniatik, Italiatik, Vietnametik, Moldovatik, Hungariatik, Txiletik edota Hong Kongetik jaso dituzte lanak.
Epaimahaiaren iritziz, Jose Mari Razkin donostiarraren Argi jokoak argazkia izan da aurten aurkeztutako lan onena. Bigarren saria, aurten ere, Manu Barreiro beasaindarraren Faded argazkiarentzat izan da. Hirugarren saria Marcel Van Balken herbeheretarrak jaso du, Gateway izenburua duen argazkiagatik. Zumaiar onenaren saria, Soraya Lopezentzako izan da, eta Viaje a la luna argazkiagatik lortu du saria. Halaber, Jose Mari Razkin, Manu Barreiro eta Jesus Larreak (lehiaketan lehenengo postuak lortu dituzten hiru euskal herritarrak) Argizaiola lehiaketan parte hartzeko giltza eskuratu dute.
Antolatzaileek jakinarazi dutenez, uztailaren 23an (ostirala) egingo dute sari banaketa ekitaldia. Horrekin batera, erakusketa zabalduko dute Oxford aretoan. Hala, epaimahaiak hautatutako 36 argazki onenak ikusi ahal izango dituzte bisitariek, uztailaren 23tik eta abuztuaren 8ra bitartean.
>> Irabazleen eta finalisten argazki guztiak ikusgai daude Distira argazki elkartearen webgunean.
1. saria: 500 euro
Jose Mari RAZKIN RAZKIN, Argi jokoak
2. saria: 300 euro
Manu BARREIRO RODRIGUEZ, Faded
3. saria: 200 euro
Marcel VAN BALKEN, Gateway
Zumaiar onenaren saria: 250 euro
Soraya LOPEZ, Viaje a la luna
>> Irabazleen eta finalisten argazki guztiak ikusgai daude Distira argazki elkartearen webgunean.
Albiste erlazionatuak
Zumaia bizitzeko da
- Bi markagailu berri kiroldegiko pistan 2024/04/19
- Sanpedroetako artisau azokan parte hartzeko deia zumaiarrei 2024/04/18
- Padel txapelketa mistoa jokatuko da Zumaian maiatzean eta ekainean zehar 2024/04/17
- Udal eraikinen garbitzaile bat aldi baterako kontratatzeko eta lan poltsa osatzeko prozesua hasi du Udalak, Lanbideren bitartez 2024/04/17
Parte hartzea
- Padel txapelketa mistoa jokatuko da Zumaian maiatzean eta ekainean zehar 2024/04/17
- 'Egin arraunean gurekin!' crowfunding kanpaina martxan, traineru berria erosteko 2024/04/12
- Santelmoetako egitaraua aurkeztu dute herriko elkarteek eta Udalak 2024/03/21
- [BIDEOA] Egin zaitez Egutera energia kooperatibako bazkide! 2024/03/16
Kultura
- Sanpedroetako artisau azokan parte hartzeko deia zumaiarrei 2024/04/18
- Hemen da Martxoaren 8a, berriro ere ekitaldiz eta aldarrikapenez beteta 2024/03/07
- Herriko jaietan ekitaldiak antolatzeko dirulaguntzak eskatzeko epea zabalik 2024/03/06
- 'Negu hurbilak' filma asteburu honetan iritsiko da Zumaiara 2024/02/21