Ludotekako ikasturte hasierako guraso eta tutore bilerak izango dira asteazkenean

2021/09/20

Ludotekak guraso eta tutoreen bilerarekin hasiko du kurtso berria. Hitzordua asteazkenean (hilaren 22an) izango da, 18:30ean euskaraz eta 19:00etan gazteleraz, Ludotekan bertan.

Ludoteka 6-12 urte bitarteko haurrentzako zerbitzua da. Ez da eskola, baina jostailu eta jolasaren bidez haurraren nortasuna garatzea helburu duen zerbitzua da eta umeek zuzeneko arreta jasotzen duten lekua.

Asteazken honetan ikasturteko antolaketa berria eta izen-emate prozesua azaltzeko bilerak egingo dituzte guraso eta tutoreekin. Aforoari lotutako arauak direla eta, familia bakoitzetik pertsona bakarra joatea gomendatzen da.

 

Ludotekako ikasturte hasierako guraso eta tutore bilerak izango dira asteazkenean