Musi-K udalekuetarako aurre izen-ematea maiatzaren 4an zabalduko da

2021/04/30

Uztailaren 19tik 30era bitartean izango dira Musi-K udaleku musikalak. HH4tik LH6ra bitarteko haurrek parte hartu ahal izango dute.

Musika udalekuak uztailaren 19tik 30era bitartean egingo dira aurtengoan, 09:30etik 13:00etara bitartean. HH4tik LH6ra bitarteko haurrei zuzendutako aisialdi eskaintza da honakoa, eta musika ikasten ari direnek zein ikasketa formalik jasotzen ez dutenek parte hartu ahal izango dute. Partaideek musikaren esparru desbedinak ezagutzeko aukera izango dute Ubillos jauregian. Musika udalekuek XXXVII. Musika Jaialdiari ateak zabalduko dizkiote.

Maiatzaren 4an irekiko dute aurre izen-ematea, maiatzaren 17ra arte. Horretarako, aurre izen-emate orria bete, eta e-posta bidez (alondegia@zumaia.eus) edo Alondegian bertan entregatu beharko da.

Aurre izen-emate orria
Epea: maiatzak 4-17
Alondegian bertan edo e-posta bidez (alondegia@zumaia.eus)

Plaza kopurua baino eskaera gehiago egongo balira, zozketa bidez egingo da partaideen aukeraketa. Maiatzaren 25ean e-posta bidez jakinaraziko zaie parte hartzeko aukera dutenei, eta baieztapena jaso ondoren, izen-ematea eta ordainketa egin beharko da zehaztutako epean. Epe barruan ordaintzen ez dutenek plaza galduko dute, eta itxaron zerrendan daudenei eskainiko zaie lekua. Matrikularen prezioa 85 eurokoa izango da; familia ugariak direnen kasuan, 65 euro ordaindu beharko dituzte.

Aurreikuspen guztiak COVID 19ak momentu horretan ahalbidetzen duen egoeraren menpe egongo dira, eta beraz, aldaketak izan litezke.


Musi-K udalekuetarako aurre izen-ematea maiatzaren 4an zabalduko da