Olentzerok eta Mari Domingik gutuna eta denbora-pasak bidali dizkiete Zumaiako haurrei
Oraindik Olentzero eta Mari Domingiri idatzi ez dieten haurrek Kofradian jarritako postontzian utzi ahal izango diete gutuna. Gainera, abenduaren 24an Zumaiako haurrei utzi dieten bideo-mezua ikusi ahal izango da baleike.eus webgunean.
Olentzerok, Mari Domingik, Gomezagok eta haien laguntzaile guztiek urteroko lana berrantolatu behar izan dute aurten, koronabirusak sortutako egoera dela-eta. Atzo goizean Zumaiena ikastetxeko haurrak bisitatu zituzten. Oikiara ere egin zuten bisita, eta San Tomas eguna izanik, txistorra jan zuten elkarrekin. Gaur Herri Eskolan izan dira Olentzero eta Gomezago, zanpantzarrek lagunduta.
Azken urteotan, abenduaren 24an herriko haurrekin elkartu izan dira. Aurten, ordea, ongietorria antolatzen duten ikastetxe eta kultur eragileekin elkartuta, herrira egin ohi duten bisita alde batera uztea erabaki da.
Dena den, Zumaiako haurrek izango dute Olentzero eta Mari Domingiren berri abenduaren 24an: eguerdiko 12:00etan baleike.eus webgunean Zumaiako haurrei zuzendutako agurra ikusi ahal izango dute.
Gainera, postalak bidali dituzte Zumaiako 2 eta 10 urte bitarteko haurren etxeetara. Eta bizi dugun egoera berezia kontutan hartuta, haurrak izaten ari diren jarrera ona eskertzeko, gutunarekin batera denborapasen liburuxka txiki bat bidaliko diete. Etxe batzuetara iritsi dira dagoeneko, eta gainontzekoetan gaur eta bihar artean egingo dute banaketa.
Postontzia Kofradian
Oraindik Olentzero eta Mari Domingiri idatzi ez dieten haurrek Kofradian jarritako postontzian utzi ahal izango dituzte gutunak.
Abenduaren 24 gaua izango da gutuna bidaltzeko azken eguna. Ondoren, udaletxeko langileek gutunak hartu eta Olentzero eta Mari Domingiri eramango dizkiete.
Albiste erlazionatuak
Zumaia bizitzeko da
- Bi markagailu berri kiroldegiko pistan 2024/04/19
- Sanpedroetako artisau azokan parte hartzeko deia zumaiarrei 2024/04/18
- Padel txapelketa mistoa jokatuko da Zumaian maiatzean eta ekainean zehar 2024/04/17
- Udal eraikinen garbitzaile bat aldi baterako kontratatzeko eta lan poltsa osatzeko prozesua hasi du Udalak, Lanbideren bitartez 2024/04/17
Haurrak
- Barrakek soinu alteraziorik gabeko orduak izango dituzte, haur guztien inklusioa bermatzeko 2024/04/03
- 2 eta 14 urte bitarteko haur eta nerabeei zuzendutako udaleku eskaintza zabala izango da aurtengo udaran ere 2024/03/26
- Haur eta nerabeei zuzendutako txangoak antolatu dituzte udaberriko oporretarako 2024/03/04
- 'Harreman osasuntsuak lagun artean' hitzaldia emango du Nerea Mendizabal psikopedagogoak otsailaren 27an 2024/02/19
Herri hezitzailea
- 2 eta 14 urte bitarteko haur eta nerabeei zuzendutako udaleku eskaintza zabala izango da aurtengo udaran ere 2024/03/26
- Guraso eta seme-alaben arteko komunikazioa hobetzeko gakoak landuko dituzte hilaren 19an 2024/03/14
- Herriko plazei buruzko egutegia landu du Euskara Zerbitzuak 2023/12/28
- 'Kimikarin' zientzia tailerrak egingo dituzte urtarrilaren 2an 2023/12/20