'Zirriborroak eta gero' ipuin bildumarekin hasiko du neguko denboraldia Irakurri matte irakurle taldeak

Zirriborroak eta gero, kontakizunak eta fabulak mundu posibleei buruz, alternatiba eta utopien etorkizuna irudikatzen duten hamar ipuin laburren bilduma da. Egun dauden esperientzia zehatzetatik abiatzen dira ipuin horiek, eta hamar egilek idatzi dituzte. Ipuin horiek iradokitakoaz aritzeko bilduko dira astearte hontan Alondegiko Moila gelan, 18:00etan.

Neguan zehar irakurri eta landuko dituzten beste bi liburuen berri ere eman dute: otsailaren 13an Art Spiegelman-ek idatzitako Maus liburuaz ariko dira, Julen Gabiria itzultzailearekin batera; martxoaren 5ean, berriz, Agota Kristof-en Koaderno handia izango dute hizpide.