Aurtengo santelmoak urrian ospatuko dira
Santelmoak urrian ospatzea erabaki du Zumaiako Udalak, herriko kirol eta kultur eragile eta ostalariekin bildu ostean. Bi asteburutan ospatuko dira, urriaren 10-12 eta 17-18an.
Alarma egoera dela eta, herriko festak apirilean ospatzeko eragozpenekin topatu da Zumaiako Udala. Egoera horren aurrean, jaiek zumaiarrentzat duten garrantziaz ohartuta, data berriak zehazteko lanetan aritu da Udala. Horrela, herriko eragile eta mugimenduekin harremanetan jarri da, bi data proposamenekin: ekaina amaieran, San Pedroekin batera ospatzea, ala urriko bi asteburutan ospatzea. Bi aukeren artean San Telmoak urrian ospatzea nahiago dutela adierazi dute eragile gehienak, eta hala egingo da.
Hogeitik gora eragilerekin batera hartu du erabakia Udalak: bertso eskola, txosna batzordea, musika eskola, txistulari banda, udal musika banda, Arbustain motor elkartea, haur eta helduen danborraden antolatzaileak, Itxas Gain elkartea, UCC-Scalextrix elkartea, trikitilariak, San Pedro abesbatza, Erkibe kultur elkartea, Beheko Plaza elkartea, mugimendu feminista, txaranga, pilota elkartea, zaldi lasterketaren antolatzaileak, estropaden antolatzaileak eta K2 xake elkartea, besteak beste. Ostalariekin ere partekatu dute San Telmoen data berrien gaineko eztabaida, baita Elizarekin ere.
San Telmo jaien antolaketan parte hartzen duten eragileen eta ostalarien gehiengoak festak urrian ospatzea nahiago zutela adierazi dute, eta ondorioz, Udal Gobernuak eragileek hartutako erabakia berretsi du. Gainontzeko udal taldeei erabakia jakinarazi ostean, “herritar guztiei aurten San Telmoak ospatu egingo direla” adierazi nahi izan diete herritarrei.
Nolako jaiak, ze ekitaldi egin daitezkeen eta nola, eragile guztien artean eta garaiz erabakiko dutela adierazi dute Zumaiako Udalaren izenean. “Bizi dugun egoerak aukera ematen digunean ekingo diogu agenda guztia berrantolatzeari eta jaien kasuan batik bat eragile guztiekin hartuko dira erabakiak”, azaldu dute.
Albiste erlazionatuak
Zumaia bizitzeko da
Turismoa
- Uda honetan ere San Telmo ermita egunero bisitatzeko aukera izango da, baita ingurumena babestu eta euskara sustatzeko ekimenak ere 2024/07/01
- San Telmo ermita ezagutzeko bisita gidatuak izango dira udara osoan zehar 2023/07/11
- TAOren udako aldia ekainaren 15ean hasiko da 2023/06/14
- Beste 600.000 euro lortu ditu Zumaiako Udalak, besteak beste, Algorri Interpretazio Zentroa eraberritzeko 2023/05/10
Festak
- Euskal Jai egunean lan egiteko deialdia herriko taldeei 2024/07/08
- Sanpedroak direla-eta kontutan hartu beharrekoak: su artifizialak, aparkalekuak eta bestelakoak 2024/06/27
- Sanpedroak ate joka, aurtengoan, berrikuntzekin 2024/06/19
- Zabalik dago auzoetako festak antolatzeko dirulaguntzen deialdia 2024/06/11
Covid19
- COVID ziurtagiria dela-eta, Zumaiako Udalaren oharrak 2021/12/16
- Kiroldegian eta kultur ekitaldietan ohiko funtzionamendua berrezarriko da ostiral honetan 2021/10/07
- Zabalik dago ekintzailetasuna, enplegua, inbertsioak eta lehiakortasuna hobetzeko egitasmoak sustatzeko dirulaguntzen deialdia 2021/08/06
- Aurtengo udan ere betetze maila neurtuko da Zumaiako hondartzetan 2021/06/11