Banatu dituzte Julene Azpeitia ipuin lehiaketako 36. edizioko sariak

Asteazken arratsean banatu zituzten artengo Julene Azpeitia Sariak, Aita Mari zineman. Aurtengoan, Aintzane Usandizaga, Igor Mercado eta Maddi Altuna izan dira saridunak, eta dagoeneko irakurgai daude ipuinak webgune honetako Julene Azpeitia atalean.

Aitor Manterola zinegotziak, Xabier Odriozola zinegotziak eta Iñaki Ostolaza alkateak eman zituzten sariak, eta sari banaketa eta gero literatura emanaldi musikatua eskaini dute Iñar Sastre, Olatz Prat, Joxe Mari Iturralde eta Iñaki Azaldegik. 

Azaroaren hasieran bildu zen epaimahaia lehiaketa erabakitzeko. Bertan izan ziren Ana Urkiza, Castillo Suarez eta Josu Waliño; Udaleko euskara teknikariak idazkari lanak egin zituen, botorik gabe. 

Ipuinak irakurgai, paperean eta sarean

Julene Azpeitia lehiaketaren 25. urteurrenaren harira, lehiaketako edizio guztietan saritutako ipuinak digitalizatu ziren lehen aldiz. Orduz geroztik, sorreratik hona saritutako ipuinak modu digitalean eskuragarri daude web honetan bertan (epub, mobe eta PDF formatuan). Aurtengo sarituen ipuinak ere irakurgai daude bertan.

Ondorengo loturetan irakurri daitezke saritutako ipuinak:

• Oinak. Aintzane Usandizaga Lopez (Lehen saria)   
• Delineatzaile erretiratua. Igor Mercado Azcuenaga (Bigarren saria)   
• Omatofobia. Maddi Altuna Galfarsoro (Zumaiako onenaren saria)   

Gainera, urtero bezala, aurtengoan ere paperean irakurri ahal izango dira. Alondegian eta udaletxean liburuxkak jarriko dituzte eskuragarri.

Julene Azpeitia ipuin-lehiaketa atala: 36 urte, 101 ipuin

Albiste erlazionatuak