'Bizitzea ez al da oso arriskutsua?' saiakeraz ariko dira Irakurri Matte taldearen hurrengo saioan

2022/10/07

Urriaren 11n (asteartea) landuko dute liburua, Joseba Sarrionandia idazlearekin batera. Uxue Alberdi idazle eta literaturzaleak gidatzen ditu saioak.

Uxue Alberdi idazle eta literaturzaleak gidatzen duen irakurle taldeak hamaikagarren ikasturtea du Zumaian. Hilabetean behin Alondegiko Moila gelan biltzen dira taldekideak, irakurritakoak norberari zer ekarri eta iradoki dion partekatzeko. Saio guztiak astearteetan egiten dituzte, 18:00etan.

Irailean Alice Munro idazle kanadarraren Hartza mendi gainera igo zen ipuina landu ondotik, Joseba Sarrionandia idazle iurretarraren bisita izango dute urriaren 11n (asteartea). Bere Habanako gaukarien trilogiako hirugarren alea komentatuko dute: Bizitzea ez al da oso arriskutsua?.

Urtea amaitu bitartean irakurriko dituzten gainontzeko liburuen berri ere eman dute. Azaroaren 8an Eider Rodriguezen Eraikuntzarako materiala liburuaz hitz egiteko bilduko dira. Abenduan 13an, berriz, Luisa Carnés idazle eta kazetariaren Hamahiru ipuin ipuin-bilduma landuko dute; Danele Sarriugarte arduratu da liburuaren itzulpenaz, eta harekin batera landuko dute Carnés-en lana.

Irakurle taldearen inguruko informazio gehiago nahi izanez gero, egin klik hemen.

IRAKURRI MATTE.OROKORRA.jpg

'Bizitzea ez al da oso arriskutsua?' saiakeraz ariko dira Irakurri Matte taldearen hurrengo saioan