Covid-19ak sortutako egoerari aurre egiteko inbertsioak egiteko dirulaguntzak, Zumaiako merkatari eta ostalarientzat

2020/10/27

Azaroaren 16ra bitartean aurkeztu daitezke eskaerak, egoitza elektronikoaren bidez edo udaletxean bertan. 2.000 eurora arteko dirulaguntzak izango dira.

Zumaiako merkataritza eta ostalaritza sektoreetan beharrezko inbertsioak egiteko, ekipamenduak jartzeko, eta inbertsio horiek nola bideratu ikertzeko dirulaguntzak onartu zituen Zumaiako Udalak iraileko ohiko osoko bilkuran. Deialdia urriaren 26an argitaratu da Gipuzkoako Aldizkari Ofizialean, eta interesdunek azaroaren 16ra bitartean aurkeztu ahal izango dituzte eskaerak.

Gipuzkoako Foru Aldundiak bultzatutako laguntzak dira, eta erakunde horrek jarritako 38.000 euroei 12.000 euro gehiago gehituko dizkio Udalak. Guztira, 50.000 euro bideratuko dituzte ostalari eta merkatariak laguntzera.

2.000 eurora arteko dirulaguntzak izango dira, Covid-19ari aurre egiteko egin behar izan diren edo egingo diren inbertsioetan laguntzeko. Laguntzaren eskaera, egoitza elektronikoaren bidez egitea lehenesteko eskatu du Udalak, baina udaletxean bertan ere aurkeztu ahal izango da dokumentazioa.

Aurkeztu eskaera egoitza elektronikoaren bidez

 

Eskaera aurkezteko beharrezko dokumentazioa:

Oinarriak

I. eraskina: Eskaera orria

II. eranskina: Zinpeko aitorpena

III. eranskina: Beste laguntzen inguruko adierazpenak

IV. eranskina: Hirugarren interesdunari alta ematea

V. eranskina: Zuriketa

Deskargatu dokumentu guztiak

 

Albiste erlazionatuak