Erribera kaleko irisgarritasuna hobetzeko lanak martxan

2024/05/31

Oinezkoen joan-etorria errazteko koskak kenduko dira, eta horretarako euri-urak bideratzeko kanalak aldatuko dira.

Joan den astelehenetik (maiatzak 27) martxan daude Erribera kaleko irisgarritasuna hobetzeko lanak. Esku-hartze honen helburu nagusia da Erribera kale osoan irisgarritasuna bermatzea da, eta herritarrek aspalditik egindako eskaerei erantzuten die. 

Horretarako, euri-urak bideratzeko egungo kanala eraldatuko da, galtzada-harriari malda emanez eta dauden koskak kenduz. Hobekuntza horiei esker, euri-urak hobeto drainatuko dira, eta oinezkoak, mugikortasun urriko pertsonak eta haurren orgak errazago ibiliko dira eremu horretan. Obra horiek 47.677 euroko aurrekontua dute, eta hiru aste inguru iraungo dutela aurreikusten da, nahiz eta baldintza meteorologikoek baldintzatzen dituzten, euria egiten duenetan ezingo delako lanik egin.

Irisgarritasuna funtsezko osagaia da herri inklusibo eta ekitatiboa eraikitzeko. Izan ere, irisgarritasuna hobetzean, pertsona guztien mugikortasuna bultzatzeaz gain, herri-eredu iraunkorragoa ere sustatzen da. Zentzu horretan, Zumaiako Udalak jakinarazi nahi du aurrerantzean ere halako esku-hartzeak egiten jarraituko duela herri osoan zehar.

Erribera kaleko irisgarritasuna hobetzeko lanak martxan