Euskal artista eta udalerrien ordezkaritza zabalak eman dio hasiera Geuretik Sortuak ekimenari
Ekimenaren baitan, Zumaian egonaldia egingo du Fito Rodriguez idazleak, ipuin bat sortzeko. Bi aktore zumaiarrek ere parte hartuko dute ekimenean: Maite Aizpuruak Atarrabian eta Uharten egingo du egonaldia, Metrokoadroka sormen laborategia kolektiboaren baitan; Telmo Irureta Tanttaka teatroa konpainiaren arituko da, Arrigorriagan.
Oiartzungo Arizmendi Enea eraikineko lorategian egin zuten atzo Geuretik Sortuak proiektuaren bigarren aurkezpen ekitaldia. Zumaiako Udala ordezkatzeko bertan izan ziren Iñaki Ostolaza alkatea eta Marina Bidasoro kultur zinegotzia. Beste askoren artean, Zumaian egonaldia egingo duen Fito Rodriguez idazlea eta Maite Aizpurua aktore zumaiarra ere izan ziren aurkezpenean.
Protoiektuan parte hartuko dute 26 sortzaile eta kolektiboetako kideek, eta horiek jasoko dituzten udalerrietako ordezkariak elkar ezagutzeko bilkura izan zen atzokoa, eta modu horretan, egonaldi artistikoei hasiera sinbolikoa eman zieten.
Geuretik Sortuak proiektuarekin, euskaraz sortzen eta hedatzen den artea bultzatu nahi du Udalbiltzak; zehazki, euskaraz sortutako literatura, zinemagintza eta antzerkia sustatzea da proiektuaren helburua, eta, horretarako, sormen lanak egiteko egonaldiak antolatu ditu sortzaileentzat Euskal Herri osoko hainbat herritan.
Jabi Asurmendi Udalbiltzako lehendakariak argazkiaren garrantzia azpimarratu zuen atzoko ekitaldian: “argazki hau ere herri honen kontakizunaren parte izatera igaroko da; Euskal Herri osoko sortzaile eta hautetsiak euskarazko kulturari eta sormenari putz handi bat emateko Geuretik Sortuak izeneko teilatupean elkartu zirenekoa”.
Zumaiako Udalak ere parte hartu du ekimenean, eta ekainean eta irailean zehar, Fito Rodriguez idazlea Zumaian izango da. Gerora, sorkuntza prozesua amaituta, proiektuaren baitan sortutako lan horiek erakusteko zirkuituaren parte izango da Zumaia ere.
Halaber, bi aktore zumaiarrek ere parte hartuko dute ekimenean: Maite Aizpuruak Atarrabian eta Uharten egingo du egonaldia, Metrokoadroka sormen laborategia kolektiboaren baitan; Telmo Irureta Tanttaka teatroa konpainiaren arituko da, Arrigorriagan.
Albiste erlazionatuak
Zumaia bizitzeko da
- San Telmo ermita ezagutzeko bisita gidatuak izango dira datorren astetik aurrera, baita ingurumena babestu eta euskara sustatzeko ekimenak ere 2024/06/28
- Udal adierazpena, LGTBI+ Harrotasunaren Nazioarteko Egunean 2024/06/28
- 360.000 euroko dirulaguntza lortu du Udalak, Aita Mari eraikina eraberritzeko 2024/06/27
- Tentsio handiko etxebizitza eremu izendatzeko eskaera formala egin du Zumaiako Udalak 2024/06/19
Euskara
- San Telmo ermita ezagutzeko bisita gidatuak izango dira datorren astetik aurrera, baita ingurumena babestu eta euskara sustatzeko ekimenak ere 2024/06/28
- Prest daude euskara ikasteko dirulaguntzen deialdiak 2024/06/12
- Zabalik dago euskarazko errotuluetarako dirulaguntzak eskatzeko epea 2024/06/07
- Aurten ere egin errenta aitorpena euskaraz 2024/04/02
Kultura
- Aita Mari antzokia itxita egongo da ekainaren 21etik uztailaren 9ra 2024/06/20
- Sanpedroak ate joka, aurtengoan, berrikuntzekin 2024/06/19
- Maiatzaren 13an zabalduko dute Musika eta Dantza Eskolako matrikulazioa 2024/05/10
- Udaberria bero iritsi da Zumaiara, adin guztietako herritarrentzako ekitaldi askorekin 2024/04/30