Familiarteko egunpasa Mendukiloko kobetara

2023/04/26

Maiatzaren 7an (igandea) Ludotekako lagunek irteera egingo dute Mendukiloko kobetara. LH 1-6 urte bitarteko haurrei eta haien familiei zuzendutako ekintza da, eta izen-ematea ostiral honetan (apirilak 28) itxiko da.

Ludotekak, besteak beste, familiarteko ekintza ugari antolatzen ditu urtean zehar. Maiatzaren 7an (igandea) Zumaiatik kanpora joango dira, Astitzera (Nafarroa) zehazki, Mendukiloko koba ezagutzera. Goizeko 09:30ean aterako dira Zumaiatik, eta 17:30ean ekingo diote itzulerari.

LH 1-6 urte bitarteko haurrei eta haien familiei zuzendutako ekintza da. Mendukilo koba ezagutzeko, escape forest ekintza egingo dute, ingurua ezagutzeko pista jolasa. Jarraian, koba ikusteko aukera izango dute.

Izen-ematea ostiral honetan (apirilak 28) itxiko da. Irteerara joan nahi dutenek Ludotekan bertan eman beharko dute izena. Helduen kasuan, 15 euro ordaindu beharko dira; haur bakoitzeko prezioa, berriz, 10 eurokoa izango da. Informazio gehiago behar izatekotan, Ludotekako hezitzaileekin harremanetan jar daitezke herritarrak, 943863264 telefonora deituta edo ludoteka@zumaia.eus e-mailera idatzita.

Familiarteko egunpasa Mendukiloko kobetara
Argazkia: Leintz Gatzagara egindako familia irteera.