Gazteen kontsumo ohiturez aritzeko bi saio izango dira martxoan eta apirilean

Gurasoak heziketa prozesuan inplikatzea eta horretarako bidelaguntza eskaintzea, eta gurasoen arteko sare berriak sortzea dira Zumaiako Guraso Eskolaren helburuak. Udaleko Gizarte Zerbitzuek, eta Hezkuntza eta Gazteria sailek elkarlanean antolatutako programa da, eta 0 eta 18 urte bitarteko haur eta gazteen gurasoei zuzenduta dago. Hala, hiru talde desberdinetan banatuta, adin-tarte bakoitzaren ezaugarrietara egokitutako formakuntza jasotzeko aukera izango dute Zumaiako gurasoek. Programa antolatzeko Zumaiako Udalak Eusko Jaurlaritzaren eta Gipuzkoako Foru Aldundiaren laguntza dauka, eta hitzaldietako batzuk Treba Gurasoak programaren baitan kokatzen dira.

Guraso Eskolen barruak saio ugari egin dira ikasturte honetan, eta, azken bi saioetan, gazteen kontsumo ohiturak izango dituzte hizpide. Hitzaldiak nerabeen gurasoei zuzenduta daude bereziki, baina edozein herritarrek parte hartu dezake. 

Izen-ematea

Saio batean ala bestean, edo bietan parte hartu nahi dutenek aurrez eman beharko dute izena. Branka eraikinera joanda, e-maila bidalita (brankaharrera@zumaia.eus) edo telefonoz deituta. (943 86 22 00).

Albiste erlazionatuak