Goiatz Labandibar, Aritz Mutiozabal eta Antton Peñalba izan dira 34. Julene Azpeitia ipuin lehiaketako saridunak
Aurten 38 lan aurkeztu dira, horietatik 6 zumaiarrek idatzitakoak. Sari banaketa ekitaldia abenduaren 2an izango da, 19:00etan Oxford aretoan. Ondoren Fito Rodriguezek 'Literaturaren ihesbideak & ihesbidearen literaturak' irakurraldi musikatua eskainiko du.
Azaroaren hasieran bildu zen epaimahaia lehiaketa erabakitzeko. Bertan izan ziren Ana Urkiza, Castillo Suarez eta Josu Waliño; Udaleko euskara teknikariak idazkari lanak egin zituen, botorik gabe. Aurten 38 lan aurkeztu dira, iazkoarekin alderatuz nabarmen gutxiago, etxealdiak amaitu ziren seinale. Horietatik 6 zumaiarrek idatzitakoak izan dira, nabarmentzekoa da zumaiarren kopurua iaz adinakoa izan dela, orokorrean kopurua jaitsi arren, herrian idazteko zaletasunak tinko dirau.
Euskal Herri guztitik aurkeztu diren lanean artean, onenak honako hauek direla erabaki dute epaimahaia osatu duten idazleek:
- 1. saria, 3.000 eurokoa, Goiatz Labandibar Arbelaitzek eskuratu du ALTER EGOAK ipuinari esker. Goiatzek lehenengo aldiz irabazi du lehiaketa hau. Epaimahaiaren iritziz lanik onena izan da oso ondo josia dagoelako, kontatu beharrean, esaten ez denarekin ulertzera ematen. Oso era garbi eta zuzenean idatzitako ipuin honek politikoki zuzena izateari kritika egiten dio.
- 2. saria, 1.500 eurokoa, Aritz Mutiozabal Zabalak irabazi du ZERUA ITSASO ZIKIN BAT DA lanarekin. Ipuin honetan gauza asko gertatzen dira denbora gutxian, horrek irakurlea erabat harrapatzen du, idazkera bizi eta txinpartatsuarekin. Umore eta ironia handiz euskal mito ukiezin bati buelta ematen dio.
- Zumaiako onenaren saria, berriz, Antton Peñalba Alberdirentzat izan da MEDICITARREN ABAROAN ipuinagatik. Ipuin honetan pertsonen deskribapenak oso onak dira, elkarrizketak oso biziak, historia oso sinesgarria egiten da eta interesari eusten dio.
Sari banaketa ekitaldia abenduaren 2an egingo da, ostegunarekin, 19:00etan, Oxford aretoan. Ondoren Fito Rodriguezek “Literaturaren ihesbideak & ihesbidearen literaturak” irakurraldi musikatua eskainiko du.
Albiste erlazionatuak
Zumaia bizitzeko da
- 40 urtetako ibilbidea gogoan, ekitaldi bereziz beteta dator Zumaiako Musika Jaialdia 2024/07/24
- Txomin Agirre kaiko bidegorria konpontzeko lanak amaituta 2024/07/15
- Txomin Agirre kaiko bidegorria konponduko du Udalak aste honetan 2024/07/08
- Zumaiako gazte ekimenak diruz laguntzeko deialdia zabalik 2024/07/08
Euskara
- Abian da Julene Azpeitia literatur lehiaketa 2024/07/08
- Montserrat Roig idazle katalanaren 'Gerezi-denbora' eleberriarekin hasiko du ikasturtea Irakurri Matte irakurle taldeak 2024/07/03
- Uda honetan ere San Telmo ermita egunero bisitatzeko aukera izango da, baita ingurumena babestu eta euskara sustatzeko ekimenak ere 2024/07/01
- Prest daude euskara ikasteko dirulaguntzen deialdiak 2024/06/12
Parte hartzea
Kultura
- 40 urtetako ibilbidea gogoan, ekitaldi bereziz beteta dator Zumaiako Musika Jaialdia 2024/07/24
- Abian da Julene Azpeitia literatur lehiaketa 2024/07/08
- Montserrat Roig idazle katalanaren 'Gerezi-denbora' eleberriarekin hasiko du ikasturtea Irakurri Matte irakurle taldeak 2024/07/03
- Aita Mari antzokia itxita egongo da ekainaren 21etik uztailaren 9ra 2024/06/20