Herriko jaietan ekitaldiak antolatzeko dirulaguntzak eskatzeko epea zabalik

2024/03/06

Herriko elkarteek martxoaren 20ra bitartean (hau barne) eskatu dezakete festetako ekitaldi eta jarduerak antolatzeko dirulaguntza. 2024 urte osoko jarduerak barnebiltzen ditu deialdiak, egindakoak eta egingo direnak.

Aurten ere kultur eta aisialdi alorrean lan egiten duten elkarteak diruz laguntzeko deialdiak argitaratu ditu Zumaiako Udalak. Deialdi honek jaietako ekitaldiak barnebiltzen ditu: santelmoak, sanpedroak, eta, uda sasoiko zein gabonetako ekitaldiak. 2024. urte osoan zehar antolatutako ekitaldiak barnebiltzen ditu deialdiak, orain artean egindakoak eta egitekoak direnak. Dirulaguntza orokorrak, eta antzerkia eta dantza arloko dirulaguntza deialdia aurrerago argitaratuko dira.

Eskaerak martxoaren 20ra bitartean (hau barne) aurkeztu ahal izango dira, eta argibideak behar dituztenek Alondegiko bulegora deitu dezakete (943 86 10 56). Eskaera orria dagozkion eranskinekin batera aurkeztu beharko dute elkarteetako ordezkariek, Herritarren Arreta Zerbitzuan (udaletxean) zein egoitza elektronikoaren bidez.

> Oinarriak
> Eskabide orria
> Egoitza elektronikoa 

Herriko jaietan ekitaldiak antolatzeko dirulaguntzak eskatzeko epea zabalik
Argazkia: Baleike

Albiste erlazionatuak

Kultura

Festak

Dirulaguntzak

Zumaia bizitzeko da