Trafikoan eta autobus zerbitzuan aldaketak izango dira larunbatean

2019/09/26
Larunbat honetan, irailaren 28an, III. Euskal Kosta Krosa eta II. Kosta Krosa Roller dela eta, hainbat aldaketa egongo dira trafikoan eta autobus zerbitzuetan.

Estazioko Biribilgunetik Artadiko bidegurutzera arteko bidean txandakako trafikoa ezarriko da 16:00etatik 18:30era bitartean. Zumaiako Udalaren izenean, auto gidariei trafikoa zuzentzen arituko diren udaltzain eta bolondresen irizpideak jarraitzeko eskatu dute.

Autobus zerbitzuei dagokionean, 17:00etatik 18:30era Zumaiako Patxita Etxezarretako geldialdia kendu egingo da. Gainera, Lurraldebusek jakinarazi duenez, N-634 errepidea moztuta egongo da Zumaia eta Zarautz artean arratsaldeko 16:00etatik 19:00era. Zerbitzuak Meaga gainetik egingo dira eta ibilbidea aldatuko dute Zarautzen.

Autobus zerbitzuaren aldaketa guztiak HEMEN

Irailaren 28an eta 29an ospatuko dira aurtengo Samiel festak Artadi auzoan. Bi egunotan Patxita Etxezarretatik Artadira joateko autobus zerbitzu berezia egongo da, ordutegi tarte horietan ordu erdiro:

  • Larunbatean: 11:30-14:30 eta 16:00-21:00

  • Igandean: 10:00-14:30 eta 16:00-20:00

Euskal Krosa dela eta, Estazioko biribilgunetik Artadiko bidegurutzera arte txandakako trafikoa egongo da, eta 16.15-18:30 bitartean atzerapen batzuk izan ditzake autobus zerbitzuak, 5-10 minutukoak gehienez. Artadira joateko autobus zerbitzuaren xehetasun guztiak hemen ikus ditzakezu.